description=”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” tds_title2-line_color=”rgba(255,255,255,0.5)” tds_button1-text_color=”#a86d5e” tds_button1-background_color=”rgba(255,255,255,0.8)” tds_button1-background_hover_color=”#ffffff” tds_button1-text_hover_color=”#a86d5e” tds_icon_box1-description_bottom_space=”0″ el_class=”td-medium-title-smaller”]

[/vc_column]

Discover our all Natural Health Solutions for Body and Spirit

If you need any help or advice on therapies, please contact us and we will be happy to assist you. Get incredible value with our service packs. All members are eligible for regular discounts, apart from the seasonal offers and announcements. For every person reffered, you get 25% off on our Spa Package and Fitness Package.

Discover our all Natural Health Solutions for Body and Spirit

If you need any help or advice on therapies, please contact us and we will be happy to assist you. Get incredible value with our service packs. All members are eligible for regular discounts, apart from the seasonal offers and announcements. For every person reffered, you get 25% off on our Spa Package and Fitness Package.

[/vc_column]

 

 

Preloader
  • თავდაცვის ძალებს ახალი მატერიალურ-ტექნიკური საშუალებები გადაეცა

    სამხედრო-საინჟინრო და ლოჯისტიკის მიმართულებების განვითარების მიზნით, საქართველოს თავდაცვის ძალებს 12 ერთეული მრავალფუნქციური, დაჯავშნული ექსკავატორ-დამტვირთავი (Backhoe loader) და 35 ავტობუსი (BMC-ს მარკის Neocity-ის ტიპის მოდელი) შეემატა. ტექნიკის შესყიდვა თავდაცვის სფეროში საქართველოსა და თურქეთს შორის ორმხრივი თანამშრომლობის ფარგლებში განხორციელდა. მატერიალურ-ტექნიკური საშუალებების ოფიციალური გადაცემის ღონისძიებას საქართველოს თავდაცვის მინისტრი ირაკლი ღარიბაშვილი და საქართველოში თურქეთის რესპუბლიკის საგანგებო და სრულუფლებიანი ელჩი, ფატმა ჯერენ იაზგანი დაესწრნენ. მათ მეოთხე მექანიზებული ბრიგადის სამწყობრო მოედანზე გამოფენილი ტექნიკა დაათვალიერეს. ირაკლი ღარიბაშვილმა თურქ დიპლომატს საქართველოს თავდაცვის ძალების მხარდაჭერისათვის მადლობა გადაუხადა. მიღება-ჩაბარების აქტზე ხელი საქართველოს მხრიდან თავდაცვის ძალების გენერალური შტაბის სტრატეგიული დაგეგმვის დეპარტამენტის უფროსმა, პოლკოვნიკმა იოსებ ნიკოლეიშვილმა, ხოლო თურქეთის მხრიდან – სამხედრო ატაშემ, პოლკოვნიკმა ბურაქ ალთინერმა მოაწერეს. ექსკავატორ-დამტვირთავები სხვადასხვა დამატებითი კონფიგურაციით არის აღჭურვილი, რაც მათ მრავალფუნქციურობას უზრუნველყოფს. თავდაცვის სამინისტრომ დამატებით შეჯავშნული კაბინებიც მიიღო. Neocity-ის ტიპის 8.5 მეტრიანი მოდელის ავტობუსები კი, ჯარის სატრანსპორტო მოთხოვნებს სრულად აკმაყოფილებს. ტექნიკა საქართველოს თავდაცვის ძალებმა “საქართველოს მთავრობასა და თურქეთის რესპუბლიკის მთავრობას შორის სამხედრო ფინანსურ სფეროში თანამშრომლობის შეთანხმების” ფარგლებში თურქეთის რესპუბლიკის მიერ 2015-2017 წლებში გამოყოფილი თანხით უმსხვილესი თურქული კომპანიების – Hidromek-ისა და BMC-სგან შეიძინა. ახალი ტექნიკა საქართველოს თავდაცვის ძალების ქვედანაყოფებში გადანაწილდება და საინჟინრო-ლოჯისტიკური დავალებების შესრულებას უფრო ეფექტურს გახდის. საქართველო და თურქეთი თავდაცვის სფეროში სხვადასხვა მიმართულებით მრავალი წელია მჭიდროდ და წარმატებულად თანამშრომლობენ. საქართველოს თავდაცვის ძალების განვითარების პროცესში თურქულმა მხარემ მატერიალურ-ფინანსური დახმარებით მნიშვნელოვანი წვლილი შეიტანა.
  • თავდაცვის ძალების ავტოპარკის განახლების პროცესი აქტიურად მიმდინარეობს

    საქართველოს თავდაცვის მინისტრის ინიციატივით, თავდაცვის ძალებში ავტოპარკის განახლება აქტიურად მიმდინარეობს. ამჯერად, თავდაცვის უწყებამ ირაკლი ღარიბაშვილის მიერ გაცხადებული ნატოს სტანდარტების ახალი ტექნიკის შესყიდვის პროგრამის ფარგლებში, FORD TRANSIT-ის ტიპის 20 ერთეული ახალი მიკროავტობუსი და IVECO-ს ტიპის 7 ერთეული სპეციალიზირებული მანქანა-მაცივარი შეისყიდა.

    ნატო-საქართველოს წვრთნისა და შეფასების ერთობლივი ცენტრის (JTEC) სამწყობრო მოედანზე გამოფენილი ახალი ავტოსატრანსპორტო საშუალებების გადაცემის პროცესს საქართველოს თავდაცვის მინისტრი, ირაკლი ღარიბაშვილი და თავდაცვის ძალების მეთაური გენერალ-მაიორი გიორგი მათიაშვილი დაესწრნენ. თავდაცვის მინისტრის განცხადებით, ახალი ავტომობილებით აღჭურვა თავდაცვის ძალების შესაძლებლობების გაუმჯობესებას, მობილურობის ზრდას და დავალების ეფექტიანად შესრულებას შეუწყობს ხელს. ახალი ავტომობილები თავდაცვის ძალების ქვედანაყოფებში არსებული საჭიროებებიდან გამომდინარე, შემუშავებული გეგმის შესაბამისად გადანაწილდება.

    თავდაცვის მინისტრის მიერ ინიცირებული პროექტი თავდაცვის ძალების საავტომობილო და სპეციალური ტექნიკით დაკომპლექტებასა და თავდაცვითი შესაძლებლობების გაუმჯობესებას ისახავს მიზნად. ახალი საავტომობილო საშუალებების შესყიდვა მნიშვნელოვანი გადაწყვეტილებაა ხარჯების ეფექტიანობის თვალსაზრისითაც, რადგან მოძველებული ტექნიკის შენახვა და გარემონტება თავდაცვის ძალებს მხოლოდ ერთი წლის განმავლობაში მილიონობით ლარი უჯდებოდა.

    მინისტრის მიერ ინიცირებული პროექტის მიხედვით, მოძველებული საბჭოთა წარმოების სპეც-ტექნიკა თანამედროვე, მსოფლიო და ევროპული ლიდერი კომპანიების – გერმანული „MAN“ – ის, იტალიური „IVECO“ -ს და ამერიკული „FORD“ – ის მიერ წარმოებული სპეციალური დანიშნულების ავტოსატრანსპორტო საშუალებებით ჩანაცვლდება. პროექტის ფარგლებში თავდაცვის სამინისტრომ უკვე შეისყიდა Toyota Land Cruiser ტიპის ყველგანმავალი ახალი სატრანსპორტო საშუალებები, Toyota Hilux ტიპისა და FORD Ranger-ის ტიპის 0.75 ტონა ტვირთამწეობის „პიკაპები“. ჯამში, თავდაცვის სამინისტროს 500-ზე მეტი ერთეული სპეციალური დანიშნულების ტექნიკა შეემატება.

  • ვაზიანში მდებარე მე-4 მექანიზებულ ბრიგადაში ინფრასტრუქტურული სამუშაოები დასრულდა

    საქართველოს თავდაცვის ძალებში მიმდინარე ინფრასტრუქტურული პროექტების ფარგლებში, ვაზიანში მდებარე მე-4 მექანიზებულ ბრიგადაში სამუშაოები დასრულდა. ბაზა სრულად მოდერნიზებულია და თანამედროვე სტანდარტებს აკმაყოფილებს. ბაზის ტერიტორიაზე გარემონტებული და რეაბილიტირებული შენობა-ნაგებობები თავდაცვის მინისტრმა დაათვალიერა და შესრულებული სამუშაოების შესახებ დეტალური ინფორმაცია მოისმინა.

    2020 წელს მიმდინარე ინფრასტრუქტურული სამუშაოების განმავლობაში მე-4 მექანიზებულ ბრიგადაში კაპიტალურად გარემონტდა ყაზარმები, რომელიც ახალი სველი წერტილებითა და კონდიცირება-ვენტილაციის სისტემებით აღიჭურვა. სარემონტო სამუშაოების შედეგად, ყაზარმებში ახალი იატაკი დაიგო, მოხდა ჭერის, კედლების, განათების სისტემების განახლება და ახალი ავეჯითა და ინვენტარით უზრუნველყოფა. დასრულებულია ფასადების რეკონსტრუქციაც. დასრულდა სასადილოს კაპიტალური სარემონტო სამუშაოები და სამზარეულოს თანამედროვე დანადგარებითა და ინვენტარებით აღჭურვა. მთელ ტერიტორიაზე განხორციელდა გარე განათების სრული რეაბილიტაცია. ბრიგადაში ტერიტორიის კეთილმოწყობის სამუშაოებიც შესრულდა, რაც გამწვანებას, სარწყავი სისტემებით უზრუნველყოფას, ასფალტის გზის დაგებასა და სტადიონის რეაბილიტაციას მოიცავს.

    მე-4 მექანიზებულ ბრიგადაში ვიზიტის ფარგლებში, თავდაცვის მინისტრმა ბრიგადის ტერიტორიაზე წმინდა გიორგის სახელობის ახლადაშენებული ეკლესია დაათვალიერა და სამხედრო მოსამსახურეებს მისივე ინიციატივით დაბეჭდილი საველე ახალი აღთქმა საჩუქრად გადასცა. სპეციალურ ქაღალდზე მინიატურულ ფორმატში დაბეჭდილი ახალი აღთქმა უახლოეს პერიოდში საქართველოს თავდაცვის ძალების სრულ პირად შემადგენლობას დაურიგდება. მე-4 მექანიზებული ბრიგადის მოძღვარმა, მამა გაბრიელ ბარბაქაძემ მინისტრს წმინდა გიორგის ხატი საჩუქრად გადასცა. საქართველოს თავდაცვის ძალებში მყოფ მორწმუნეთა მუსულმანურ ნაწილს კი, მინიატურული ყურანის ტარების შესაძლებლობა ექნება. ირაკლი ღარიბაშვილის გადაწყვეტილებით, ყურანიც იდენტურ ფორმატში გამოიცა. მუსულმანური აღმსარებლობის რამდენიმე სამხედრო მოსამსახურეს, მე-4 მექანიზებულ ბრიგადაში ვიზიტისას, ირაკლი ღარიბაშვილმა ყურანი პირადად დაურიგა.

  • სენაკის სამხედრო ბაზაზე ინფრასტრუქტურული სამუშაოები დასკვნით ფაზაშია

    თავდაცვის მინისტრი დასავლეთ საქართველოში მდებარე სამხედრო ბაზებზე ინფრასტრუქტურულ პროექტებს ადგილზე ეცნობა. დღეს ირაკლი ღარიბაშვილმა სენაკში, მეორე ქვეით ბრიგადაში მიმდინარე და დასრულებული სამშენებლო-სარემონტო სამუშაოები დაათვალიერა.

    სენაკში უკვე დასრულებულია მე-2 ქვეითი ბრიგადის ტერიტორიისა და საცხოვრებელი კორპუსების პერიმეტრის შემოღობვა, ასევე, ყაზარმების ფასადებისა და სახურავების სამშენებლო-სარემონტო სამუშაოები.

    ამ ეტაპზე თანამედროვე სტანდარტების შესაბამისად რემონტდება 6 ყაზარმა, რაც გულისხმობს ახალი საპირფარეშოების, საშხაპეების, პირსაბანების და სამრეცხაოების მოწყობასა და სრულად აღჭურვას, ასევე კონდიცირება-ვენტილაციის სისტემების მოწყობას, ოთახებში იატაკების, კედლებისა და ჭერის განახლებას, განათებისა და კავშირგაბმულობის სისტემების, კანალიზაციისა და სხვა საინჟინრო ქსელების რეაბილიტაციას და ფასადების რემონტს. ამავე ტერიტორიაზე მიმდინარეობს ბრიგადის შტაბის შენობის სარემონტო სამუშაოები და 2 სტადიონის მოწყობა.

    მინისტრის თქმით, მასშტაბური ინფრასტრუქტურული სამუშაოები თავდაცვის ძალებში არსებულ ყველა სამხედრო ბაზაზე წლის ბოლომდე დასრულდება და სამხედროები სამსახურს ნატოს სტანდარტების თანამედროვე გარემოში განაგრძობენ.

  • გენერალ კვინიტაძის სახელობის სამხედრო ლიცეუმში ინფრასტრუქტურული სამუშაოები დასრულდა

    მასშტაბური ინფრასტრუქტურული სამუშაოები თავდაცვის ძალებში არსებულ ყველა სამხედრო ბაზაზე დასკვნით ფაზაშია. სარემონტო სამუშაოები დასრულდა გენერალ კვინიტაძის სახელობის სამხედრო ლიცეუმშიც. დასრულებული ინფრასტრუქტურული პროექტები საქართველოს თავდაცვის მინისტრმა ირაკლი ღარიბაშვილმა ადგილზე მოინახულა. სამხედრო სასწავლებელის შენობებს სარეაბილიტაციო სამუშაოები ჩაუტარდა. კერძოდ, სასწავლებლის საცხოვრებელ, ადმინისტრაციულ და დამხმარე ნაგებობებში სველი წერტილები განახლდა, ოთახები გარემონტდა, კანალიზაციისა და სხვა საინჟინრო ქსელებს რეაბილიტაცია ჩაუტარდა.

    განახლდა სპორტული მოედნები და ტერიტორია კეთილმოეწყო. თავდაცვის მინისტრი დასავლეთ საქართველოში სამხედრო ბაზებზე ინფრასტრუქტურული პროექტების გაცნობის მიზნით იმყოფებოდა. წლის ბოლომდე, თავდაცვის ძალების ყველა სამხედრო ბაზა თანამედროვე, ნატოს სტანდარტების შესაბამისად იქნება გარემონტებული და მოწყობილი, რათა სამხედრო მოსამსახურეებმა კომფორტულ და ღირსეულ პირობებში იმსახურონ.

  • საფრენი აპარატების ახალი საამწყობრო საწარმოს შენობა გაიხსნა

    სააქციო საზოგადოება „თბილავიამშენის“ ტერიტორიაზე საფრენი აპარატების ახალი საამწყობრო საწარმოს შენობა გაიხსნა, სადაც თავდაცვის ძალების კუთვნილი საფრენი აპარატები ქართველი სპეციალისტების მიერ თანამედროვე სტანდარტების შესაბამისად სრულად აღდგება და გარემონტდება.
    ახალი შენობა საქართველოს თავდაცვის მინისტრმა ირაკლი ღარიბაშვილმა და ეკონომიკისა და მდგრადი განვითარების მინისტრმა ნათია თურნავამ გახსნეს. მინისტრები ახალი საამწყობრო საწარმოს შესაძლებლობებს გაეცნენ და განხორციელებული სარემონტო სამუშაოების შესახებ დეტალური ინფორმაცია მოისმინეს. 3000 მ2-ზე განლაგებული საწარმო სააქციო საზოგადოება „თბილავიამშენის“ და სსსტც „დელტას“ მიერ თანამედროვე ტექნოლოგიებით აღიჭურვა. განხორციელებული სამუშაოების შედეგად, საქართველოს თავდაცვის ძალებისა და სხვა ქვეყნის საჰაერო ძალების სხვადასხვა ტიპის საფრენი აპარატები თანამედროვე სტანდარტების შესაბამისად გარემონტდება.

    ახალი საამწყობრო საწარმო საავიაციო უნივერსიტეტის სტუდენტებმაც დაათვალიერეს, რომლებიც “დელტასა”და “თბილავიამშენში” სტაჟირებას გადიან. თავდაცვის მინისტრის ინიციატივით, სახელმწიფო სამხედრო სამეცნიერო-ტექნიკურ ცენტრ „დელტას“, „თბილავიამშენსა“ და საქართველოს საავიაციო უნივერსიტეტს შორის ურთიერთთანამშრომლობის მემორანდუმი აგვისტოში გაფორმდა, რაც ყოველწლიურად დამამთავრებელი კურსის სტუდენტების ანაზღაურებად სტაჟირებას ითვალისწინებს.

    ამ ეტაპზე ახალ საამწყობრო საწარმოში საქართველოს თავდაცვის ძალების კუთვნილი მი-24 ტიპის შვეულმფრენების რემონტი მიმდინარეობს. თავდაცვის მინისტრის გადაწყვეტილებით, მი-24-ების გარდა, უახლოეს პერიოდში მოხდება სატრანსპორტო შვეულმფრენების მი-8 მტვ, UH-1 „იროკეზის“ ტიპის და L-39 სასწავლო სავარჯიშო თვითმფრინავების რეაბილიტაცია და განახლება. უკვე მიმდინარეობს საქართველოს თავდაცვის ძალების ბალანსზე არსებული Su-25 ტიპის თვითმფრინავების კაპიტალური სარემონტო სამუშაოები, რომელიც უახლოეს პერიოდში დასრულდება.

    საავიაციო ქარხნის  ტერიტორიაზე პარალელურ რეჟიმში ინფრასტრუქტურული და სარემონტო სამუშაოები მიმდინარეობს – საფრენი აპარატების ავზებისა და რეზინის ნაკეთობების საწარმოს კაპიტალური რემონტი, თვითმფრინავებისა და შვეულმფრენების სამრეცხაო უბნის მშენებლობა-მოწყობა, სხვადასხვა საამქროების მაღალი ხარისხის სახურავებით გადახურვის პროცესი და სხვა.

     

  • თავდაცვის ძალებს ქართული, „დელტას“ წარმოების 40-მდე ერთეული ჯავშანმანქანა გადაეცა

    საქართველოს თავდაცვის ძალებს სამხედრო-სამეცნიერო ტექნიკურ ცენტრ „დელტას“ მიერ წარმოებული 40-მდე ერთეული ჯავშანმანქანა „დიდგორი“, მათ შორის „დიდგორი მედევაკი“ და მრავალფუნქციური დანიშნულების სხვადასხვა ტიპის ჯავშანმანქანები გადაეცა. ეს არის პირველი შემთხვევა, როდესაც თავდაცვის ძალები ადგილობრივი წარმოების ჯავშანმანქანებით აღიჭურვა.

    ჯავშანმანქანა „დიდგორების“ ქვედანაყოფებისთვის გადაცემის ღონისძიებას საქართველოს თავდაცვის მინისტრი ირაკლი ღარიბაშვილი ნატო-საქართველოს წვრთნისა და შეფასების ერთობლივ ცენტრში (JTEC) დაესწრო. მისი განცხადებით, ქართული სამხედრო მრეწველობის განვითარების მაქსიმალური მხარდაჭერა და თავდაცვის ძალების ეროვნული წარმოების სამხედრო ტექნიკით აღჭურვა უწყებისთვის ერთ-ერთი მნიშვნელოვანი პრიორიტეტია.

    40-მდე „დიდგორის” ტიპის სამედიცინო და მრავალფუნქციური დანიშნულების ჯავშანმანქანა თანამედროვე და მაღალი სტანდარტების მიხედვით არის აწყობილი. სამედიცინო-საევაკუაციო ჯავშანმანქანა „დიდგორი მედევაკი“ სამედიცინო დანიშნულების, უშუალოდ საბრძოლო მოქმედებების ზონიდან უსაფრთხო ტერიტორიაზე გადასაყვანად და ტრანსპორტირების დროს პირველადი სამედიცინო დახმარების უზრუნველსაყოფად არის დამზადებული. „დიდგორი“ კი, მრავალფუნქციური დაჯავშნული სამხედრო-სატრანსპორტო საშუალებაა, რომელიც ბრძოლის ველზე პირადი შემადგენლობის გადასაყვანად და სადაზვერვო ოპერაციების ჩასატარებლად არის განკუთვნილი. „დელტას“ მიერ წარმოებული ჯავშანმანქანები სამხედრო ქვედანაყოფებს განაწილების გეგმის შესაბამისად, ეტაპობრივად გადაეცემა.

    თავდაცვის ძალებს ქართული, „დელტას“ წარმოების ჯავშანმანქანები გადაეცა -  სიახლეები - MOD.GOV.GE

  • მახათას მთაზე „ჯარის ქალაქის – Army City“ მშენებლობა დაიწყო

    ღირსეული საცხოვრებელი გარემოს შექმნა ღირსეული სამხედრო სამსახურის წინაპირობაა – საქართველოს თავდაცვის მინისტრის მიერ გაცხადებული ჯარისკაცზე ორიენტირებული სოციალური პოლიტიკის ფარგლებში, მახათას მთაზე ყველაზე ფართომასშტაბიანი პროექტის განხორციელება დაიწყო.

    „ჯარის ქალაქის – Army City“ მშენებლობა 2022 წლის ბოლოს დასრულდება. პროექტის მიხედვით, მახათას მთაზე 7-სართულიანი 39 კორპუსი აშენდება, რომლებშიც 1092 ბინა განთავსდება. სამხედროები თეთრი კარკასის მდგომარეობით 50მ2, 80მ2 და 110მ2-იანი საცხოვრებელი ფართის შეძენას, სულადობის პრინციპის გათვალისწინებით, უპრეცედენტოდ შეღავათიანი პირობებით შეძლებენ.

    „ჯარის ქალაქში – Army City“ მოეწყობა ბავშვებისთვის გასართობი სივრცეები, შიდა გზები, რეკრეაციული და პარკირების ზონები.

    მრავალწლიანი პროფესიული სამხედრო კარიერისა და ქვეყნის სამსახურის დაფასების მიზნით, თავდაცვის უწყება სამხედრო მოსამსახურეებსა და მათი ოჯახის წევრებს ღირსეული საცხოვრებელი პირობების შექმნაში დაეხმარება. საცხოვრებელი ფართის კვადრატული მეტრის სავარაუდო ღირებულება 200 დოლარი იქნება. შესაბამისად, სამხედროებს ერთ კვადრატულ მეტრში დაახლოებით 100 დოლარის გადახდა მოუწევთ. ამ თანხის გადასახდელად სამხედროებს საშუალება ექნებათ არა საბანკო გარანტიებით, არამედ უპროცენტო შიდა განვადებით ისარგებლონ.

    მახათას მთაზე „ჯარის ქალაქის - Army City“ მშენებლობა დაიწყო - სიახლეები -  MOD.GOV.GE

  • სახელმწიფო სამხედრო სამეცნიერო-ტექნიკურმა ცენტრმა „დელტამ“ “დელტა ტექსტილი” დააფუძნა

    სახელმწიფო სამხედრო სამეცნიერო-ტექნიკურმა ცენტრმა „დელტამ“ “დელტა ტექსტილი” დააფუძნა. „დელტა ტექსტილმა“, რომლის 100%-იანი წილი სახელმწიფოს მფლობელობაშია, ევროპულ ბაზარზე აქტიურად მომუშავე ტექსტილის მწარმოებელი მსხვილი ქართული კომპანიის „ჯეო-ემ-ტექსის“ 49%-იანი წილი შეისყიდა.

    სამკერვალო ფაბრიკაში, რომელიც თანამედროვე იტალიური და იაპონური წარმოების სამკერვალო დანადგარებით არის აღჭურვილი, საქართველოს თავდაცვის სამინისტროსა და სხვა ძალოვან უწყებებში მომსახურე პირებისთვის მაღალი ხარისხის ზამთრისა და ზაფხულის საველე და ყოველდღიური სამუშაო ფორმები შეიკერება. აქვე მოხდება საბრძოლო ეკიპირების, ინდივიდუალური დაცვისა და განტვირთვის სისტემების, მაისურების, საწვიმარი ლაბადების, საქარე ქურთუკების, პულოვერების, ქუდების, ხელთათმანების, ზურგჩანთების, სანივთე ტომრების და სპორტული ტანსაცმლის სერიული წარმოება.

    თანამშრომლობისთვის მზადყოფნა დღეს მხარეებმა ურთიერთშეთანხმების მემორანდუმის გაფორმებით დაადასტურეს. დოკუმენტს ხელი სსსტც „დელტას“ დირექტორმა ზურაბ აზარაშვილმა და „ჯეო-ემ-ტექს“-ის წარმომადგენელმა გრიგორი მორჩილაძემ მოაწერეს. მხარეებმა სურვილი გამოხატეს, რომ ურთიერთთანამშრომლობის გზით ადგილობრივ სამკერვალო წარმოებასა და ახალი სამუშაო ადგილების შექმნას შეუწყონ ხელი. საწარმო მზადყოფნას გამოთქვამს, სამინისტროს დაკვეთები უმაღლესი საერთაშორისო სტანდარტით შეასრულოს, სამინისტრო კი, თავის მხრივ, ფორმების იმპორტს ადგილობრივი ნაწარმით ჩაანაცვლებს.

    „დელტა ტექსტილის“ საწარმოო ბაზა წარმოდგენილია 2015 წელს დაფუძნებული საუკეთესო სამკერვალო ფაბრიკის სახით, სადაც ამჟამად 360 ადამიანია დასაქმებული. კონკრეტული კომპანია საერთაშორისო აუდიტორული კომპანიის მიერ უძრავ-მოძრავი აქტივებისა და საწარმოო პოტენციალის შეფასების შემდეგ შეირჩა. კერძო სექტორისა და სახელმწიფოს თანამშრომლობა მსოფლიოში აპრობირებული წარმატებული პრაქტიკაა, რომელიც განსაკუთრებით აქტიურად გამოიყენება თავდაცვის სფეროში წარმოების მიმართულებით.

    ინვესტიციის განხორციელების შედეგად, შპს „დელტა ტექსტილს“ მნიშვნელოვანი სახელმწიფო პროექტების მინიმალური მარჟის პირობებში განხორციელების საშუალება მიეცემა.

    სახელმწიფო სამხედრო სამეცნიერო-ტექნიკურმა ცენტრმა „დელტამ“ "დელტა ტექსტილი"  დააფუძნა - სიახლეები - MOD.GOV.GE

  • თავდაცვის ძალებში FORD-ის ტიპის პიკაპების მიღება დაიწყო

    საქართველოს თავდაცვის მინისტრის ინიციატივით, თავდაცვის ძალებში ავტოპარკის განახლება აქტიურად მიმდინარეობს. ამჯერად, თავდაცვის უწყებამ ირაკლი ღარიბაშვილის მიერ გაცხადებული ნატოს სტანდარტების, ახალი ტექნიკის შესყიდვის პროგრამის ფარგლებში, 160 ერთეული FORD Ranger-ის ტიპის 0.75 ტონა ტვირთამწეობის „პიკაპი“ შეისყიდა.

    თავდაცვის მინისტრის მიერ ინიცირებული პროექტი თავდაცვის ძალების საავტომობილო და სპეციალური ტექნიკით დაკომპლექტებასა და თავდაცვითი შესაძლებლობების გაუმჯობესებას ისახავს მიზნად. ახალი საავტომობილო საშუალებების შესყიდვა მნიშვნელოვანი გადაწყვეტილებაა ხარჯების ეფექტიანობის თვალსაზრისითაც, რადგან მოძველებული ტექნიკის შენახვა და გარემონტება თავდაცვის ძალებს მხოლოდ ერთი წლის განმავლობაში მილიონობით ლარი უჯდებოდა.

    ახალი ავტომობილები თავდაცვის ძალების ქვედანაყოფებში არსებული საჭიროებებიდან გამომდინარე, შემუშავებული გეგმის შესაბამისად გადანაწილდება.

    მინისტრის მიერ ინიცირებული პროექტის მიხედვით, მოძველებული საბჭოთა წარმოების სპეც-ტექნიკა თანამედროვე, მსოფლიო და ევროპული ლიდერი კომპანიების – გერმანული „MAN“ – ის, იტალიური „IVECO“ – ს და ამერიკული „FORD“ – ის მიერ წარმოებული სპეციალური დანიშნულების ავტოსატრანსპორტო საშუალებებით ჩანაცვლდება. ჯამში, თავდაცვის სამინისტრო 500-ზე მეტ ერთეულ სპეციალური დანიშნულების ტექნიკას იძენს.

  • თავდაცვის ძალებში დაზვერვის ქვედანაყოფები ახალი უპილოტო საფრენი აპარატებით აღიჭურვება

    საქართველოს თავდაცვის უწყებამ ესპანელი პარტნიორებისგან უპილოტო სადაზვერვო სისტემები შეიძინა, განაახლა არსებული ძველი საფრენი აპარატები, მოამზადა და გადაამზადა პერსონალი.

    შესაბამისად, დაიწო დაზვერვის ქვედანაყოფების დაკომპლექტება ახალი უპილოტო საფრენი აპარატებით, რომლებიც ითვალისწინებს ამ ქვედანაყოფების აღჭურვას თანამედროვე ტაქტიკური და ოპერატიული უპილოტო სადაზვერვო სისტემებით.

    თავდაცვის მინისტრმა ირაკლი ღარიბაშვილმა ესპანური უპილოტო სადაზვერვო სისტემები მარნეულის საავიაციო ბაზაზე დაათვალიერა და სადემონსტრაციო ფრენას დაესწრო.

    უპილოტო სადაზვერვო სისტემების განახლება და შეძენა საქართველოს თავდაცვით შესაძლებლობებს  მნიშვნელოვნად გააძლიერებს.

    უპილოტო სადაზვერვო სისტემების განახლების გარდა, აქტიურად მიმდინარეობს საჰაერო თავდაცვის, ჯავშანსაწინააღმდეგო შეიარაღების, თანამედროვე საარტილერიო და სადაზვერვო სისტემების შეძენა და ამ შესაძლებლობების განვითარება.

    თანამედროვე სისტემების შეძენა, დანერგვა და განვითარება საქართველოს თავდაცვის ძალების განვითარების ძირითადი პრიორიტეტებია. აღნიშნული სისტემები მნიშვნელოვნად დაეხმარება თავდაცვის ძალებს სადაზვერვო შესაძლებლობების განვითარებაში და, ასევე, გამოყენებული იქნება სხვადასხვა სახის წვრთნებსა და სამაშველო ღონისძიებებში.

    თავდაცვის ძალებში დაზვერვის ქვედანაყოფები ახალი უპილოტო საფრენი აპარატებით  აღიჭურვება - სიახლეები - MOD.GOV.GE

  • ახალქალაქში საწყისი საბრძოლო მომზადების ახალი ცენტრი გაიხსნა

    ახალქალაქში საწყისი საბრძოლო მომზადების ახალი ცენტრი გაიხსნა. ახალქალაქში მდებარე ბაზაზე შეიცვალა და გარემონტდა შენობა-ნაგებობები, ყაზარმები, სასადილოები, მოწესრიგდა შიდა ინფრასტრუქტურა და სრულად განახლდა საკომუნიკაციო სისტემები.

    უფროსი სერჟანტი ზაზა ფერაძის სახელობის საწყისი საბრძოლო მომზადების ახალი ცენტრი ერთ ნაკადზე მიიღებს და მოამზადებს 800 სამხედრო მოსამსახურეს.

    საწყისი საბრძოლო მომზადების კურსის (BCT) ხანგრძლივობა 10 კვირაა. ამ პერიოდში რეკრუტი ემზადება სხვადასხვა სამხედრო დისციპლინაში და ეუფლება საბაზისო სამხედრო უნარ-ჩვევებს. იგი უზრუნველყოფილია კვებით, სამხედრო ფორმითა და საველე აღჭურვილობით, სამედიცინო დაზღვევითა და განთავსებით.

    გარდა ამისა, პირველად საქართველოს თავდაცვის ძალების ისტორიაში, თავდაცვის მინისტრის, ირაკლი ღარიბაშვილის გადაწყვეტილებით, აღნიშნულ კურსზე ჩარიცხული რეკრუტები 500 ლარის ოდენობით ანაზღაურებას იღებენ.

    ახალქალაქში საწყისი საბრძოლო მომზადების ახალი ცენტრი გაიხსნა | საინფორმაციო  სააგენტო "ინტერპრესნიუსი"

  • საჰაერო თავდაცვითი დანადგარების სრული აღდგენა-მოდერნიზაციის შესახებ შეთანხმება გაფორმდა

    საქართველოს საჰაერო თავდაცვითი შესაძლებლობების გაძლიერებისა და განვითარების მიზნით, თავდაცვის სამინისტროსა და ისრაელის სახელმწიფო კომპანია “რაფაელს” შორის შეთანხმება გაფორმდა. ხელშეკრულების თანახმად, საჰაერო თავდაცვით დანადგარებს სრული აღდგენა და მოდერნიზაცია ჩაუტარდება.

    „რაფაელის მოწინავე თავდაცვითი სისტემების“ კომპანია ისრაელის თავდაცვის სამინისტროს შეზღუდული პასუხისმგებლობის საზოგადოებას წარმოადგენს, რომელიც ისრაელის თავდაცვის ძალებისთვის იარაღის, სამხედრო და თავდაცვითი ტექნოლოგიების გაუმჯობესებასა და წარმოებაზე მუშაობს, ასევე, აწარმოებს ექსპორტსაც.

    ავიაციის განვითარების საკითხებზე თავდაცვის უწყებაში კიდევ ერთი შეხვედრა გაიმართა. ავიაციის პარკის მოდერნიზების საკითხებზე ირაკლი ღარიბაშვილი „ელბიტ სისტემების“ წარმომადგენლებს შეხვდა. მხარეებმა თანამედროვე რადიო-ელექტრონული სისტემებით საფრენი აპარატების აღჭურვის საკითხებზე იმსჯელეს, რაც საქართველოს თავდაცვის ძალებში არსებული თვითმფრინავებისა და შვეულმფრენების ნატოს სტანდარტებთან დაახლოებას უზრუნველყოფს.

    ელბიტ სისტემები“ მაღალი ტექნოლოგიების მწარმოებელი საერთაშორისო კომპანიაა, რომელიც სახმელეთო, საზღვაო და საჰაერო სისტემების განვითარებაზე მუშაობს და თავდაცვითი უსაფრთხოების სისტემებს აწარმოებს.

  • მოქალაქეებს გორის სამხედრო ჰოსპიტალის მიმართ სამედიცინო დავალიანება ჩამოეწერებათ

    თავდაცვის მინისტრის გადაწყვეტილებით, იმ მოქალაქეებს, რომლებსაც სამხედრო ჰოსპიტალის მიმართ 2009 წლიდან სხვადასხვა მომსახურების გამო დავალიანება ერიცხებათ, ჩამოეწერებათ.

    თავდაცვის მინისტრის ინიციატივით, მოქალაქეებს, რომლებსაც სამხედრო ჰოსპიტალის მიმართ ხანდაზმული დავალიანება (სამი და მეტი წელი) გააჩნიათ 1 მლნ 600 ათასი ლარი ჩამოეწერებათ. ასეთი მოქალაქეების რაოდენობა 1000-მდე ადამიანს შეადგენს.

    მოგახსენებთ, რომ სამხედრო ჰოსპიტალი უფასო სამედიცინო მომსახურებას უწევს სამხედრო მოსამსახურეებს, ხოლო მოქალაქეებს ჰოსპიტალი დაფუძნების დღიდან ფასიან სამედიცინო სერვისს სთავაზობს.

    სამხედრო ჰოსპიტალი აღჭურვილია თანამედროვე აპარატურით და გააჩნია მომსახურების მაღალი ხარისხი, შესაბამისად, მოქალაქეები ჰოსპიტალს სამედიცინო მომსახურებისთვის ხშირად მიმართავენ. ცხადია, აღნიშნული მომსახურება გარკვეულ ფინანსურ უზრუნველყოფას მოითხოვს და ჰოსპიტალი შემოსავლებს  პაციენტებისაგან იღებს.

    ჰოსპიტალის მიმართ ჯერ კიდევ 2009 წლიდან მოქალაქეების გარკვეულ რაოდენობას, რომლებსაც ჰოსპიტალის მომსახურება აქვთ მიღებული, დავალიანება ჩამოეწერებათ.

    მოქალაქეებს გორის სამხედრო ჰოსპიტალის მიმართ დავალიანება ჩამოეწერებათ |  საინფორმაციო სააგენტო "ინტერპრესნიუსი"

  • თავდაცვის სამინისტრო სამხედროებზე ორიენტირებულ მორიგ სოციალურ პროექტს იწყებს

    ჯარისკაცზე ორიენტირებული ახალი სოციალური პოლიტიკის ფარგლებში, თავდაცვის სამინისტრო უწყების ხელმძღვანელის ირაკლი ღარიბაშვილის ინიცირებულ მორიგ პროექტს იწყებს. ამჯერად, მინისტრის ახალი ინიციატივა ქართული ჯარის გაძლიერების უზრუნველყოფის მიზნით სამხედროებისა და მათი ოჯახის წევრების განათლება-განვითარებას ითვალისწინებს.

    ახალი პროექტის შესაბამისად, სამხედრო მოსამსახურე, მისი მეუღლე ან შვილი პროექტში ჩართულ უნივერსიტეტებში უმაღლეს განათლებას თავდაცვის სამინისტროს 50%-იანი თანადაფინანსებით, სახელმწიფო გრანტისა და სხვა დაწესებული შეღავათის გათვალისწინებით, მიიღებს.

    ირაკლი ღარიბაშვილის გადაწყვეტილებით, მაღალი მოსწრების შემთხვევაში დამატებითი წახალისების მიზნით კი, სამხედროს, მის მეუღლეს ან შვილს მინისტრის სემესტრული სტიპენდია – 750 ლარის ოდენობით დაენიშნება.

    ახალი პროექტი ასევე, ითვალისწინებს თავდაცვის სამინისტროში სტაჟიორების ან პრაქტიკანტების პროგრამას, უმაღლეს სასწავლებლებში სამინისტროს ხელმძღვანელების მიერ საჯარო ლექციებს, ექსკურსიებს სამხედრო ბაზებზე და სამხედრო თემატიკის ირგვლივ სამეცნიერო კვლევითი საქმიანობის განხორციელებას.

    ამ მიზნით, თავდაცვის სამინისტრო პროექტში ჩართულ ავტორიზებულ სასწავლებლებთან უახლოეს მომავალში ურთიერთთანამშრომლობის მემორანდუმს გააფორმებს.

    მანამდე კი, ახალი ინიციატივის გაცნობის, კონკრეტული წინადადებების განხილვისა და სამომავლო გეგმის შემუშავების მიზნით თავდაცვის სამინისტროში უნივერსიტეტების წარმომადგენლებთან შეხვედრები გაიმართა, რომლის საფუძველზეც უმაღლესმა სასწავლებლებმა თავდაცვის უწყებასთან თანამშორმლობის სურვილი გამოთქვეს.

    თავდაცვის სამინისტრო სამხედროებზე ორიენტირებულ მორიგ სოციალურ პროექტს იწყებს  - სიახლეები - MOD.GOV.GE

  • თავდაცვის სამინისტრომ ბინების დაკანონების პროცესი დაიწყო

    საქართველოს თავდაცვის მინისტრის მიერ ინიცირებული პროექტის განხორციელება, რომელიც სამხედრო მოსამსახურეებისა და მათი ოჯახების სოციალური პირობების გაუმჯობესების მიზნით უწყების ბალანსზე არსებული 5000 ბინის დაკანონებას ითვალისწინებდა, უკვე დაიწყო.

    ბინების გადაცემის პროცესის ეფექტიანი და სამართლიანი წარმართვის მიზნით, მინისტრის ბრძანებით შეიქმნა სპეციალური კომისია, რომელშიც სამინისტროსა და თავდაცვის ძალების შესაბამისი წარმომადგენლები შედიან. აღნიშნული კომისია განცხადებებსა და შესაბამის დოკუმენტაციას ინდივიდუალური მიდგომით განიხილავს და მინისტრს შესაბამის რეკომენდაციებს წარუდგენს.

    უშუალოდ განცხადებების მიღება და სარეკომენდაციო პროექტების მომზადება თავდაცვის ძალების ჯარების ლოჯისტიკური უზრუნველყოფის სარდლობის მიერ მოხდება, რომელიც აღნიშნული კომისიის სამდივნოს წარმოადგენს. საცხოვრებელი და არასაცხოვრებელი ფართობის საკუთრებაში გადაცემის ადმინისტრირების არსებული მოდელი პროცესის გამჭვირვალობასა და ღიაობას შეუწყობს ხელს.

    სამინისტროს ბალანსზე არსებული 5000-მდე ბინის ფაქტობრივი მფლობელებისთვის დაკანონების შესახებ დადგენილება საქართველოს მთავრობამ 17 ივლისს მიიღო.

    ბინების დაკანონების შედეგად, ათასობით ოჯახისთვის წლების განმავლობაში მოუგვარებელი პრობლემა გადაიჭრება, რაც მკვეთრად გააუმჯობესებს მათ სოციალურ მდგომარეობას.

    თავდაცვის სამინისტროს ბალანსზე რიცხულ 5000-მდე ბინას, ფაქტობრივად, ყოფილი სამხედრო მოსამსახურეები, იძულებით გადაადგილებული პირები, სოციალურად დაუცველი პირები და საქართველოს სხვა მოქალაქეები დაიკანონებენ.

  • თავდაცვის ძალების ქვედანაყოფებს ახალი ავტომობილები გადაეცა

    საქართველოს თავდაცვის მინისტრის ირაკლი ღარიბაშვილის ინიციატივის განხორციელება დაიწყო. დღეს ორხევის საავტომობილო ბაზაზე თავდაცვის ძალების ქვედანაყოფებისთვის ახალი ავტომობილების გადაცემის პირველი ეტაპი განხორციელდა.

    ქართველი სამხედროები Toyota Hilux ტიპის პიკაპითა და Toyota Land Cruiser ტიპის ყველგანმავალი ახალი სატრანსპორტო საშუალებებით ისარგებლებენ.

    ახალი საავტომობილო ტექნიკის მიწოდება თავდაცვის სამინისტროსა და შესაბამის პოზიციებში გამარჯვებულ მომწოდებელ კომპანიებს შორის გაფორმებული ხელშეკრულების შესაბამისად ხორციელდება. მათ შორისაა მსოფლიო და ევროპული ლიდერი კომპანიები – გერმანული „MAN“, იტალიური „IVECO“ და ამერიკული „FORD“.

    პროექტი ჯარის სპეცტექნიკით დაკომპლექტებასა და თავდაცვითი შესაძლებლობების გაუმჯობესებას ისახავს მიზნად. აღსანიშნავია, რომ სპეცტექნიკისთვის საჭირო ღირებულებას თავდაცვის უწყება ეტაპობრივად, რამდენიმე წლის განმავლობაში გადაიხდის.

    თავდაცვის ძალების ქვედანაყოფებს ახალი ავტომობილები გადაეცა - რა კეთდება

  • თავდაცვის ძალებში საავიაციო პარკის სრული მოდერნიზება და განახლება დაიწყო

    საქართველოს თავდაცვის მინისტრის, ირაკლი ღარიბაშვილის მიერ გაცხადებული პროექტი ავიაციის განვითარებასთან დაკავშირებით დაიწყო.

    მალე საქართველოს თავდაცვის ძალებს განახლებული და მოდერნიზებული საავიაციო პარკი ეყოლება. თავდაცვის ძალების ბალანსზე არსებულ საფრენ საშუალებებს – Su-25 ტიპის თვითმფრინავებსა და Mi-24 ტიპის მოიერიშე შვეულმფრენებს დემონტაჟი მარნეულის საავიაციო ბაზაზე ჩაუტარდა და კაპიტალური სარემონტო სამუშაოების ჩატარებისთვის უკვე საავიაციო ქარხანაშია გადატანილი.

    საავიაციო პარკის განახლების პროცესი შესაბამისი გეგმა-გრაფიკის მიხედვით, „თბილავიამშენისა“ და „დელტას“ ერთობლივი თანამშრომლობით ხორციელდება.  საფრენი აპარატების აღდგენა-რეაბილიტაცია-მოდერნიზაციის პარალელურად, პროექტი პირადი შემადგენლობის მომზადებასა და გადამზადებას, ასევე შესაბამისი ინფრასტრუქტურის შექმნას ითვალისწინებს.

    საფრენი საშუალებების განახლების პროცესში შესაბამისი დარგის სამხედრო და სამოქალაქო ქართველი სპეციალისტები ერთობლივად არიან ჩართული, რაც თავდაცვის მინისტრის მიერ გაცხადებულ ქართული სამხედრო მრეწველობის განვითარებას კიდევ უფრო უწყობს ხელს.

    კაპიტალური რემონტი და მოდერნიზება საქართველოს თავდაცვის მინისტრის მიერ „მინისტრის ხედვაში“ გაწერილ თავდაცვის ძალების განვითარების გეგმის ფარგლებში მიმდინარეობს და მიზნად საქართველოს თავდაცვის ძალების საავიაციო ქვედანაყოფების გაძლიერებასა და განვითარებას ისახავს.

    თავდაცვის ძალებში საავიაციო პარკის სრული მოდერნიზება და განახლება დაიწყო -  სიახლეები - MOD.GOV.GE

  • თავდაცვის სამინისტრო 5000-მდე ოჯახს ბინებს დაუკანონებს

    საქართველოს თავდაცვის მინისტრის, ირაკლი ღარიბაშვილის ინიციატივით, თავდაცვის სამინისტრო 5000-მდე ოჯახს ბინებს დაუკანონებს.

    მთავრობის დადგენილების თანახმად, თავდაცვის სამინისტროს ბალანსზე რიცხულ 5000-მდე ბინას ფაქტობრივად ყოფილი სამხედრო მოსამსახურეები, იძულებით გადაადგილებული პირები, სოციალურად დაუცველი პირები და საქართველოს სხვა მოქალაქეები მიიღებენ.

    ბინების დაკანონების შედეგად, ათასობით ოჯახისთვის წლების განმავლობაში მოუგვარებელი პრობლემა გადაიჭრება, რაც მკვეთრად გააუმჯობესებს მათ სოციალურ მდგომარეობას.

    თავდაცვის სამინისტროს ბალანსზე დასავლეთ და აღმოსავლეთ საქართველოში 5000-მდე არაპრივატიზებული ბინა ირიცხება. მათ შორის ქუთაისში, ბათუმში, ფოთში, ხონში, სენაკში, თბილისსა და აღმოსავლეთ საქართველოს სხვა მუნიციპალიტეტებში. ბინებს მოქმედი და ყოფილი სამხედრო მოსამსახურეები, ასევე იძულებით გადაადგილებული პირები დაიკანონებენ.

    აღსანიშნავია, რომ სამინისტრო არსებული ბინებით ვერ სარგებლობს და ვერც მათ რემონტს ახორციელებს. შესაბამისად, ამ ფართებში მცხოვრებ მოქალაქეებს არ აქვთ ნორმალური საყოფაცხოვრებო პირობები. ახალი ინიციატივა კი, ფაქტობრივ მფლობელებს საშუალებას მისცემს მუნიციპალური ბინათმესაკუთრეთა ამხანაგობების პროგრამებით ისარგებლონ – შეაკეთონ სახურავები, სადარბაზოები, წყალგაყვანილობის სისტემა და სხვ.

    ახალი ინიციატივა პრობლემებს მოუგვარებს სხვა მოქალაქეებსაც, რომლებიც აღნიშნულ შენობებში მართლზომიერად ფლობენ საკუთრებას და მუნიციპალური ბინათმესაკუთრეთა ამხანაგობების პროგრამებით ვერ სარგებლობდნენ, იმის გამო, რომ შენობები სამინისტროს ბალანსზე ირიცხებოდა და ბინათმესაკუთრეთა ამხანაგობები ვერ ყალიბდებოდა.

    მთავრობის ახალი დადგენილება საცხოვრებელი და არასაცხოვრებელი ფართობის საკუთრებაში გადაცემის ადმინისტრირებისა და საკუთრების უფლების რეგისტრაციის წესებს მკაფიოდ არეგულირებს. წერილობითი განცხადებასა და შესაბამის დოკუმენტაციას მინისტრის ინდივიდუალური ადმინისტრაციულ-სამართლებრივი აქტით შექმნილი კომისია განიხილავს.

    თავდაცვის სამინისტრო 5000-მდე ოჯახს ბინებს დაუკანონებს - სიახლეები -  MOD.GOV.GE

  • თავდაცვის ძალები გერმანული ბრენდის სამხედრო ფეხსაცმლით სრულად აღიჭურვა

    საქართველოს თავდაცვის ძალების ევროპული სტანდარტის, გერმანული ფეხსაცმლით მომარაგების პროცესი წარმატებით დასრულდა. ქართველი სამხედროები უკვე სრულად არიან აღჭურვილი უმაღლესი ხარისხის, მსოფლიო ბრენდის მიერ წარმოებული სამხედრო ფეხსაცმლით.

    თავდაცვის ძალების საწყობებში მაღალყელიანი სამხედრო ფეხსაცმლის მარაგები შეიქმნა.

    თავდაცვის მინისტრის ინიციატივით, თავდაცვის ძალების 29-წლიანი ისტორიის განმავლობაში პირველად, სამხედროები უმაღლესი სტანდარტის ფეხსაცმლით არიან უზრუნველყოფილნი. წყალგამძლე, ქარგაუმტარი და ჰაერგამტარი ფეხსაცმელი წარმოებულია ევროკავშირში მაღალი ტექნოლოგიებისა და ინოვაციური სისტემების მქონე საწარმოში, რომელიც ასევე ამარაგებს გერმანიის, საფრანგეთის, დიდი ბრიტანეთის და ნატოს სხვა წამყვანი ქვეყნების შეიარაღებულ ძალებს.

    თავდაცვის ძალები გერმანული ბრენდის სამხედრო ფეხსაცმლით სრულად აღიჭურვა - რა  კეთდება

  • თავდაცვის ძალებში შეფმზარეულების გადამზადება იწყება

    საქართველოს თავდაცვის მინისტრის ინიციატივით, თავდაცვის ძალებში შეფმზარეულების გადამზადება იწყება. პროექტის შედეგად ქართველი სამხედროების მენიუ უფრო მრავალფეროვანი გახდება და საგრძნობლად გაუმჯობესდება მათი კვების ხარისხი. ირაკლი ღარიბაშვილმა პროექტის მონაწილეებს დღეს მცხეთაში, პირველი ქვეითი ბრიგადის სასადილოში უმასპინძლა. სტუმრებმა სასადილოს ინფრასტრუქტურა დაათვალიერეს, ქართული ჯარის კვების გაუმჯობესების მიზნით განხორციელებულ სიახლეებს გაეცნენ და პროექტის მნიშვნელობაზე ისაუბრეს.

    პროექტი, რომელიც თავდაცვის ძალების მზარეულების გადამზადებასა და მათი პროფესიული უნარ-ჩვევების ამაღლებას ისახავს მიზნად, 1 ივლისს წეროვანში, დაჭრილი და დაშავებული სამხედრო მოსამსახურეების სარეაბილიტაციო ცენტრში ოფიციალურად დაიწყება. სპეციალურად მოწყობილ საველე სამზარეულოში თავდაცვის ძალების სამხედრო ბაზებზე არსებულ სასადილოებში მომუშავე მზარეულებს მასტერკლასებს საქართველოში ცნობილი მზარეულები ჩაუტარებენ. ლევან კობიაშვილი, ლუკა ნაჭყებია, მანუელ ფაუნდეს ბარანდა და შეფმზარეული მაია კაციაშვილი ქართულ ჯარში მომუშავე შეფმზარეულებს თეორიულ და პრაქტიკულ მეცადინეობებს 44 დღის განმავლობაში ჩაუტარებენ. პროექტის მონაწილეები ქართული ჯარის კვების რაციონის გამრავალფეროვნებაზეც იმუშავებენ და მენიუს ახალ კერძებს შემატებენ. პირველ ეტაპზე მომზადებას 30 მზარეული გაივლის, რის შემდეგაც მათ სპეციალური სერტიფიკატები გადაეცემათ.

    პირველი ეტაპის დასრულების შემდეგ, პროექტში მონაწილე მზარეულები მიღებულ ცოდნას პრაქტიკაში განახორციელებენ, პროცესის მონიტორინგს კი, საქართველოს კულინართა ფედერაციიდან 4 დარგის სპეციალისტი ჩაატარებს.

    თავდაცვის ძალებში შეფმზარეულების გადამზადება იწყება - სიახლეები - MOD.GOV.GE

  • ქართული ჯარი მსოფლიოს წამყვანი ბრენდების სპეც-ტექნიკით აღიჭურვება

    თავდაცვის მინისტრმა ირაკლი ღარიბაშვილმა საზოგადოებას ჯარში მიმდინარე მორიგი რეფორმა გააცნო. როგორც მან აღნიშნა, პირველად ისტორიაში ქართული ჯარი ნატოს წევრი ქვეყნების სტანდარტების შესაბამისი სპეციალური დანიშნულების ავტოსატრანსპორტო საშუალებებით აღიჭურვება.

    “მე მინდა მოგილოცოთ ჩვენი ჯარის მოდერნიზაციისა და განახლებისთვის გადადგმული კიდევ ერთი ძალიან მნიშვნელოვანი ნაბიჯი. დღეს ჩვენ ხელს მოვაწერეთ შეთანხმებას, რომლითაც ახალი სტანდარტების დამკვიდრებისთვის ვიწყებთ მორიგი რეფორმის შესრულებას. რამდენიმე თვეში თავდაცვის ძალებს ექნებათ თანამედროვე ნატოს წევრი ქვეყნების სტანდარტების მსოფლიო ბრენდების სპეც-ტექნიკა.

    დღევანდელი შეთანხმებით ჩვენ წარსულს ვაბარებთ საბჭოთა წარმოების ასევე ნატოს არაწევრი ქვეყნების წარმოებულ მოძველებულ სპეციალურ ტექნიკას. მოგეხსენებათ, რომ მრავალი ათწლეულის განმავლობაში ჩვენ სამხედროებს თავიანთი სამსახურებრივი მოვალეობის შესრულებისას არაკომფორტული, არაეფექტიანი და ამავდროულად არასაიმედო ტექნიკის გამოყენება უწევდათ. ეს ნამდვილად არ იყო ის ხარისხი, რასაც ჩვენი სამხედროები იმსახურებდნენ, ამიტომ დღეს ჩვენ უპრეცედენტო მასშტაბის განახლებით, ამ ვითარებას მთლიანად შევცვლით და ამ ნაწილშიც სრულად ვხდებით ნატოს წევრი ქვეყნების სტანდარტებთან თავსებადი.

    ჩვენი პროექტით ვყიდულობთ 500-ზე მეტი ერთეულის სპეციალური დანიშნულების სპეც-ტექნიკას. ისეთი მსოფლიო და ლიდერი მწარმოებლები, როგორიც არის გერმანული მანი , იტალიური ივეკო და ამერიკული ფორდი. აღნიშნული კო9მპანიების ავტორიტეტი ადასტურებს , რომ ჩვენ მთავარ პრინციპს, ყველაფერი საუკეთესო ჯარს, რეალობაში ვნერგავთ.

    პროექტის საერთო თანხას, თავდაცვის უწყება ეტაპობრივად , ასე ვთქვათ განვადებით, რამდენიმე წლის განმავლობაში გადაიხდის, რაც მნიშვნელოვანი შეღავათი იქნება ჩვენი უწყებისთვის. აღნიშნული შესყიდვა ხარჯების ეფექტურობის თვალსაზრისით მნიშვნელოვანი გადაწყვეტილებაა. რადგან ერთი და იგივე ბრენდის მწარმოებლის ტექნიკური საშუალებების შესყიდვა მნიშვნელოვანად დაზოგავს ხარჯებს და მომავალში, რა თქმა უნდა, გაამარტივებს ტექნიკურ მომსახურებას. შედეგად მნიშვნელოვნად გაძლიერდება ჩვენი სამხედრო თავდაცვის შესაძლებლობები და რა თქმა უნდა გაუმჯობესდება ჩვენი ჯარის ეფექტურობის, მობილურობის ხარისხი.

    საბოლოო ჯამში, ჩვენ ახალ, თანამედროვე სტანდარტების დანერგვის მიზანია, ავამაღლოთ ჩვენი ჯარის მზადყოფნა და, ზოგადად, გავაძლიეროთ ჩვენი ქვეყნის თავდაცვისუნარიანობა. მე მინდა მადლობა გადაუხადო ყველას, ვინც ამ პროექტის განხორციელებაში იყო ჩართული, ჩემს გუნდს თავდაცვის სამინისტროში და, რა თქმა უნდა, კომპანიების წარმომადგენლებს. კიდევ ერთხელ მე გილოცავთ ამ მნიშვნელოვანი პროექტის განხორციელება” – საქართველოს თავდაცვის მინისტრი ირაკლი ღარიბაშვილი.

    ქართული ჯარი მსოფლიოს წამყვანი ბრენდების სპეც-ტექნიკით აღიჭურვება - რა  კეთდება

  • თავდაცვის ძალები მსოფლიოს ლიდერი კომპანიების მიერ წარმოებული სპეც-ტექნიკით ისარგებლებს

    თავდაცვის ძალები მსოფლიოს ლიდერი კომპანიების მიერ წარმოებული სპეციალური დანიშნულების ახალი ტექნიკით აღიჭურვება. პირველად ისტორიაში ქართველ სამხედროებს ნატოს წევრი ქვეყნების სტანდარტების შესაბამისი სპეციალური დანიშნულების ავტოსატრანსპორტო საშუალებები ექნებათ.

    ახალი პროექტის მიხედვით, მოძველებული საბჭოთა წარმოების სპეც-ტექნიკა თანამედროვე, მსოფლიო და ევროპული ლიდერი კომპანიების – გერმანული „MAN“ – ის, იტალიური „IVECO“ – ს და ამერიკული „FORD“ – ის მიერ წარმოებული სპეციალური დანიშნულების ავტოსატრანსპორტო საშუალებებით ჩანაცვლდება.

    ამ ბრენდების სპეციალურ ტექნიკას იყენებენ გერმანიის, იტალიის, ესპანეთის, შვეიცარიისა და სხვა მრავალი ქვეყნის თავდაცვის ძალები.

    ჯამში, თავდაცვის სამინისტრო 500-ზე მეტ ერთეულ სპეციალური დანიშნულების ტექნიკას შეიძენს. აღნიშნული  პროექტი ჯარის ავტოტექნიკით დაკომპლექტებასა და თავდაცვითი შესაძლებლობების გაუმჯობესებას ისახავს მიზნად.

    აღსანიშნავია, რომ სპეც-ტექნიკისთვის საჭირო ღირებულებას თავდაცვის უწყება ეტაპობრივად, რამდენიმე წლის განმავლობაში გადაიხდის. ახალი სპეც-ტექნიკის შესყიდვა მნიშვნელოვანი გადაწყვეტილებაა ხარჯების ეფექტურობის თვალსაზრისითაც, რადგან მოძველებული ტექნიკის შენახვა და გარემონტება თავდაცვის ძალებს მხოლოდ ერთი წლის განმავლობაში მილიონობით ლარი  უჯდებოდა. ერთი და იმავე ბრენდის მწარმოებლის ავტოსატრანსპორტო საშუალებების ფლობა კი, შემდგომ წლებში მნიშვნელოვნად გაამარტივებს სპეც-ტექნიკის მართვას და ტექნიკურ მომსახურებას. პროექტი რამდენიმე თვეში დასრულდება  და შედეგად, კიდევ უფრო გაძლიერდება თავდაცვის ძალების სამხედრო შესაძლებლობები და, ზოგადად, ქვეყნის თავდაცვისუნარიანობა.

    თავდაცვის ძალები მსოფლიოს ლიდერი კომპანიების მიერ წარმოებული სპეც-ტექნიკით  ისარგებლებს - რა კეთდება
    თავდაცვის ძალები მსოფლიოს ლიდერი კომპანიების მიერ წარმოებული სპეც-ტექნიკით  ისარგებლებს - რა კეთდება
    თავდაცვის ძალები მსოფლიოს ლიდერი კომპანიების მიერ წარმოებული სპეც-ტექნიკით  ისარგებლებს - რა კეთდება
    თავდაცვის ძალები მსოფლიოს ლიდერი კომპანიების მიერ წარმოებული სპეც-ტექნიკით  ისარგებლებს - რა კეთდება
    თავდაცვის ძალები მსოფლიოს ლიდერი კომპანიების მიერ წარმოებული სპეც-ტექნიკით  ისარგებლებს - რა კეთდება

  • ახალქალაქში საწყისი საბრძოლო მომზადების ცენტრში ინფრასტრუქტურული სამუშაოები აქტიურ ფაზაშია

    ახალქალაქში მდებარე საწყისი საბრძოლო მომზადების ცენტრში ინფრასტრუქტურული სამუშაოები აქტიურ ფაზაშია და სამ თვეში დასრულდება.

    თავდაცვის მინისტრმა ირაკლი ღარიბაშვილმა ახალქალაქში მდებარე საწყისი საბრძოლო მომზადების ცენტრი მოინახულა. მისი თქმით, ადგილზე ინფრასტრუქტურული სამუშაოები სამ თვეში უნდა დასრულდეს, რის შემდეგაც საწყისი საბრძოლო მომზადების ცენტრი (BCT) მთლიანად ახალქალაქში დისლოცირდება.

    სამხედრო ბაზაზე უკვე დასრულებულია რამდენიმე შენობა, მათ შორის საცხოვრებელი ყაზარმა, შტაბის შენობა, სასადილო, ორი საკონტროლო გამშვები პუნქტი, სამი საქვაბე, რომელიც შენობების გათბობისა და ცხელი წყლით მომარაგებას უზრუნველყოფს და საყარაულო შენობა. მოეწყო შიდა გზები, გარე განათება და სამწყობრო მოედანი.

    დაგეგმილია ლაზარეთის, ასევე დაცვისა და უზრუნველყოფის ასეულების ყაზარმების მშენებლობა. საწყისი საბრძოლო მომზადების ცენტრი 800 რეკრუტის მომზადებაზეა გათვლილი.

    ასევე, დაწყებულია ახალციხეში სატანკო სასწავლო ცენტრის ბაზაზე სასადილოსა და ყაზარმების რემონტი. ტერიტორიაზე იგეგმება სტადიონის მშენებლობასაც.

    გარდა ამისა, აქტიურ ფაზაში შედის ოსიაურში ლოჯისტიკის დაცვის ბატალიონის ტერიტორიაზე არსებული ყაზარმისა და სასადილოს სარემონტო სამუშაოებიც.

    ახალქალაქში საწყისი საბრძოლო მომზადების ცენტრში ინფრასტრუქტურული სამუშაოები  აქტიურ ფაზაშია - რა კეთდება

  • ჯარიდან გადინება 60%-ით შემცირდა

    ჩემი ერთ-ერთი ოცნება არის, რომ იყოს გამართული საკონტრაქტო პროფესიული ჯარი, – ამის შესახებ საქართველოს თავდაცვის მინისტრმა, ირაკლი ღარიბაშვილმა პარლამენტში პლენარულ სესიაზე განაცხადა, სადაც მას „მინისტრის საათის” ფორმატში უსმენენ.

    „ჩემი ერთ-ერთი ოცნება არის, რომ იყოს გამართული საკონტრაქტო პროფესიული ჯარი, წვევანდელების საკითხი იყოს დარეგულირებული ისე, რომ მხოლოდ ჩვენს სამინისტროში მოხდეს წვევანდელების გაწვევა. პროფესიული ჯარი და რეზერვები, რეზერვის სისტემის გამართვა და განვითარება, ის საკითხებია, რომლებსაც უახლოეს თვეებში მეტ დროს დავუთმობ“,- განაცხადა ღარიბაშვილმა.

    მისივე თქმით, მნიშვნელოვნადაა შემცირებული ჯარიდან გადინება, რაც მანამდე მნიშვნელოვანი პრობლემა იყო.

    „მტკივნეული საკითხი იყო, რომ ჯარიდან გადინება ძალიან მაღალი იყო, ვინაიდან, ჯარისკაცებს დარჩენის მოტივაცია არ ჰქონდათ და პერსპექტივას ვერ ხედავდნენ. ჩვენ ძალიან მოკლე დროში, 6-7 თვეში გადინება 60%-ით შევამცირეთ“,- აღნიშნა ღარიბაშვილმა.

  • ჯარი იქნება სრულად უზრუნველყოფილი ადგილზე შეკერილი ნატო-ს სტანდარტების უნიფორმებით

    თავდაცვის მინისტრის, ირაკლი ღარიბაშვილის განცხადებით, ჯარი იქნება სრულად უზრუნველყოფილი ადგილზე შეკერილი მაღალი ხარისხის, ნატო-ს სტანდარტების დონის ფორმებით. მისი თქმით, ეს ერთ-ერთი სარგებელი იქნება ქვეყნის ეკონომიკისთვის.

    “აქტიური მოლაპარაკების პროცესში ვართ ჩვენ ერთ-ერთ წარმატებულ კომპანიასთან, რომელმაც შექმნა მაღალტექნოლოგიური ფაბრიკა. კერძოდ, ამ ფაბრიკაში დამონტაჟებული არის იტალიური და იაპონური დანადგარები, რომლებიც სრულად ემსახურებოდა უცხოურ ბრენდებს – იტალიურ და სხვა ევროპულ ბრენდებს. მოგეხსენებათ, კორონავირუსის პანდემიის გამო ამ საწარმოს მოუწია შეფერხება და, ასე ვთქვათ, შეწყვეტა კონტრაქტების, და შემოვიდა წინადადებით, რომ „დელტასთან“ ერთად ჩვენ შევქმნათ ერთობლივი საწარმო. ჩვენ აქტიურად განვიხილავთ დელტას შესვლას ამ საწარმოში. გარკვეული, ასე ვთქვათ, თანამონაწილეობა შედგება და ეს საწარმო სრულად დააკმაყოფილებს თავდაცვის ძალების მოთხოვნებს. ამ შემთხვევაში, უნიფორმების წარმოებას, საველე ფორმის, ასევე, ყოველდღიური ფორმების, საპარადე და ა.შ. ანუ ყველაფერი სრულად შეგვიძლია, ჩვენ თვითონ ვაწარმოოთ ამ ფაბრიკაში და აღარ მოგვიწევს რამდენიმე ათეული მილიონის გატანა უცხოეთში ისე, როგორც მოხდა წელს, ვინაიდან, მე თვითონ მქონდა შეხვედრა რამდენიმე მწარმოებელთან, მე მათ აღვუთქვი დახმარება და დაინტერესება, სრული მოტივაცია მივეცი, რომ იქნებ, მათ შეექმნათ ჩვენთვის, თავდაცვის ძალებისთვის მაღალხარიასხიანი ნატო-ს სტანდარტების ფორმა, მათ ვერ შეძლეს, სამწუხაროდ. პრობლემები იყო მოწოდებასთან დაკავშირებით, ვადებთან დაკავშირებით და აქედან გამომდინარე, მოგვიწია რამდენიმე მილიონის გატანა ქვეყნის გარეთ. ეს ერთ-ერთი სარგებელი იქნება ქვეყნისთვის, ეკონომიკისთვის, ადგილობრივი წარმოების განვითარებას შეეწყობა ხელი და ადგილზე შეიკერება ყველაფერი. ჯარი იქნება სრულად უზრუნველყოფილი ადგილზე შეკერილი მაღალი ხარისხის, ნატო-ს სტანდარტების დონის ფორმებით” – აღნიშნა ირაკლი ღარიბაშვილმა.

    ჯარი იქნება სრულად უზრუნველყოფილი ადგილზე შეკერილი ნატო-ს სტანდარტების  უნიფორმებით - ირაკლი ღარიბაშვილი - რა კეთდება

  • სამხედროების წარჩინებულ შვილებს სტიპენდია დაენიშნებათ

    თავდაცვის მინისტრის, ირაკლი ღარიბაშვილის განცხადებით, სამხედროების წარჩინებულ შვილებს სტიპენდია დაენიშნებათ. ამის შესახებ მან პარლამენტში, „მინისტრის საათის“ ფორმატში სიტყვით გამოსვლისას განაცხადა.

    “ასევე, ვგეგმავთ განათლების მიმართულებით, ასეთი ინიციატივა მაქვს მე კიდევ ერთი –  წარჩინებული შვილების სწავლის თანადაფინანსებას ვაპირებთ. დაახლოებით მილიონს გამოვყოფთ ამ მიმართულებით წელს. და სტიპენდია დაენიშნებათ, მინისტრის სტიპენდია წარჩინებულ შვილებს, სამხედროების შვილებს” – განაცხადა ირაკლი ღარიბაშვილმა.

    ირაკლი ღარიბაშვილი - სამხედროების წარჩინებულ შვილებს სტიპენდია დაენიშნებათ  - რა კეთდება

  • თავდაცვის ძალების ყველა რეგულარული ქვედანაყოფის აღჭურვა M4 ტიპის შაშხანებით მოხდება

    თავდაცვის მინისტრის, ირაკლი ღარიბაშვილის განცხადებით, თავდაცვის ძალების ყველა რეგულარული ქვედანაყოფის აღჭურვა M4 ტიპის შაშხანებით მოხდება. ამის შესახებ მან პარლამენტში, „მინისტრის საათის“ ფორმატში სიტყვით გამოსვლისას განაცხადა. გარდა ამისა, მისი თქმით, ქვედანაყოფები მომარაგდებიან ნატოს სტანდარტების აღჭურვილობითა და სპეცტექნიკით.

    „ვავითარებთ ლოჯისტიკურ და ტექნიკურ შესაძლებლობებს. აღნიშნული საჭიროება მკაფიოდ გამოიკვეთა პანდემიის საპრევენციო აქტივობებში. ჩვენს ჯარს საკმაოდ მოძველებული სპეცტექნიკით უწევს გადაადგილება, 20, 30 წლის ტექნიკით, რაც დამეთანხმებით, რომ სტანდარტს არ შეესაბამება. წელს 480 ერთეული სპეციალური ტექნიკის შეძენას ვგეგმავთ. ასევე ერთ-ერთი მნიშვნელოვანი სიახლე, რომელიც მალე რეალობად იქცევა, თავდაცვის ძალების ყველა რეგულარული ქვედანაყოფის აღჭურვას შეეხება, M4 ტიპის შაშხანებით. M4 ტიპის შაშხანებთან ერთად დამატებით საბრძოლო ქვედანაყოფებში სრულად აღიჭურვებიან ნატოს სტანდარტების თანამედროვე შეიარაღებით. მინდა ასევე აღვნიშნო, ავიაციის განვითარების მიმართულებით „თბილავიამშენისა“ და „დელტას“ ერთობლივი თანამშრომლობა. თანამშრომლობის შედეგად მიმდინარეობს არსებული საფრენი აპარატების აღდგენა, რეაბილიტაცია, მოდერნიზაციის სამუშაოები. კერძოდ, ჩვენ ძალიან მალე დავიწყებთ ჩვენს ბალანსზე არსებული სუ 25-ებისა და მოიერიშე ვერტმფრენების რეაბილიტაციას“,- განაცხადა ირაკლი ღარიბაშვილმა.

    ირაკლი ღარიბაშვილი: თავდაცვის ძალების ყველა რეგულარული ქვედანაყოფის აღჭურვა  M4 ტიპის შაშხანებით მოხდება - რა კეთდება

  • ქართველ სამხედროებს უმაღლესი ხარისხის ახალი უნიფორმა და ფეხსაცმელი აქვთ

    თავდაცვის ძალების 29 წლიანი ისტორიის განმავლობაში ეს არის პირველი შემთხვევა, როდესაც სამხედროები „ლოვას“ და „ჰაიქსის“ მიერ დამზადებული ზამთრის და ზაფხულის სამხედრო ფეხსაცმელით არიან უზრუნველყოფილი. მაღალი ხარისხის ქსოვილისგან დამზადებული, ცვეთაგამძლე უნიფორმა თავდაცვის ძალებში კიდევ ერთი სიახლეა.

    საქართველოს თავდაცვის მინისტრმა ირაკლი ღარიბაშვილმა და თავდაცვის ძალების მეთაურმა, გენერალ-ლეიტენანტმა ვლადიმერ ჩაჩიბაიამ მე-4 მექანიზებული ბრიგადის სამწყობრო მოედანზე ახალ უნიფორმებსა და ფეხსაცმელში გამოწყობილი სამხედრო მოსამსახურეები მოინახულეს და მათი შთაბეჭდილებები მოისმინეს. თავდაცვის უწყების ხელმძღვანელი პირები სამწყობრო მოედანზე მოწყობილ სადემონსტრაციო კუთხესთან ახალი უნიფორმისა და ფეხსაცმლის უპირატესობებს დეტალურად გაეცნენ. ირაკლი ღარიბაშვილის განცხადებით, თითოეულ ჯარისკაცს უმაღლესი ხარისხის, ნატოს წამყვანი ქვეყნების სტანდარტის ფეხსაცმელი და უნიფორმა აცვია.

    მსოფლიო ბაზრის ლიდერი კომპანიების “ჰაიქსის“ და „ლოვას“ მიერ წარმოებული მაღალი ხარისხის სამხედრო ფეხსაცმელი წარმოებულია ექსკლუზიურად მხოლოდ ევროპული ნედლეულით, ინოვაციური და მაღალი ტექნოლოგიების მქონე გერმანულ საწარმოებში და აღჭურვილია მაღალი ხარისხის გორტექსის მასალით, რაც უზრუნველყოფს ფეხსაცმლის წყალგამძლეობას, ქარგაუმტარობას და ჰაერგამტარობას. ახალი ფეხსაცმელი წარმოებულია მაღალი ტექნოლოგიებისა და ინოვაციური სისტემების მქონე საწარმოში, რომელიც ასევე ამარაგებს გერმანიის, საფრანგეთის, დიდი ბრიტანეთის, ნიდერლანდების, შვეიცარიის, პოლონეთის, თურქეთის,ბელგიის, ირლანდიის, დანიის და სამხრეთ კორეის შეიარაღებულ ძალებს. აღსანიშნავია, რომ ფასები მნიშვნელოვნად დაბალია მათ საბაზრო ღირებულებაზე, ასევე სხვა ქვეყნების შესყიდვებთან შედარებით, რაც გამოწვეულია საქართველოს თავდაცვის სამინისტროს თანამშრომლების მიერ წარმატებული კომუნიკაცია-მოლაპარაკებით და ასევე, კონტრაქტის შუამავლების გარეშე პირდაპირ მწარმოებლებთან გაფორმებით, მიუხედავად იმისა, რომ აღნიშნულ კომპანიებს ჰყავთ საქართველოში წარმომადგენლები.

    მაღალი ხარისხის ქსოვილისგან დამზადებული, ცვეთაგამძლე უნიფორმა თავდაცვის ძალებში კიდევ ერთი სიახლეა. საქართველოს თავდაცვის ძალების ქვედანაყოფები სრულად არის უზრუნველყოფილი განახლებული და მაღალი ხარისხის, ნატოს წევრი ქვეყნებისა და აშშ-ის ჯარის უნიფორმის ქსოვილის შესაბამისი სტანდარტის, კომუფლირებული უნიფორმით – პიჯაკი, შარვალი, კეპი.

    ქართველ სამხედროებს ნატოს წამყვანი ქვეყნების სტანდარტის უმაღლესი ხარისხის  ახალი უნიფორმა და ფეხსაცმელი აქვთ - სიახლეები - MOD.GOV.GE
    ქართველ სამხედროებს ნატოს წამყვანი ქვეყნების სტანდარტის უმაღლესი ხარისხის  ახალი უნიფორმა და ფეხსაცმელი აქვთ - სიახლეები - MOD.GOV.GE

  • ახალი სამეთაურო-საშტაბო ცენტრის მშენებლობა დაიწყო

    წვრთნებისა და სამხედრო განათლების მხარდამჭერ ცენტრ „კრწანისში“, JTEC-ის ტერიტორიაზე, ახალი სამეთაურო-საშტაბო ცენტრის მშენებლობა დაიწყო.

    ნატოს სტანდარტების შესაბამისი სამეთაურო-საშტაბო წვრთნების ცენტრის (CSTC) შენობის საძირკველში დროის კაფსულა მინისტრმა ირაკლი ღარიბაშვილმა თავდაცვის ძალების წარმომადგენლებთან ერთად ჩადო.

    სამეთაურო-საშტაბო წვრთნების ცენტრი საერთაშორისო და ეროვნული დონის მნიშვნელოვან საშტაბო სწავლებებს უმასპინძლებს.

    ერთ შენობაში იქნება განთავსებული სწავლების კონტროლი ყველა ელემენტით, რაც სხვადასხვა სახის სწავლების ერთიან სივრცეში გამართვის შესაძლებლობას შექმნის.

    ახალი ინფრასტრუქტურა საშტაბო სწავლებების კლასიფიცირებულ გარემოში ჩატარებისა და საერთაშორისო სწავლებებში დისტანციურად ჩართვის საშუალებასაც იძლევა.

    გარდა ამისა, სამეთაურო-საშტაბო წვრთნების ცენტრი მაღალი დონის საერთაშორისო კონფერენციებს, სემინარებსა და სამუშაო შეხვედრებს უმასპინძლებს.

    ახალი ცენტრის მშენებლობა 2021 წელს დასრულდება.

    კრწანისში" ახალი სამეთაურო-საშტაბო წვრთნების ცენტრის მშენებლობა დაიწო -  Black on White

  • ახალი საბინაო პოლიტიკის განხორციელება დაიწყო

    სამხედრო მოსამსახურეებმა თავდაცვის მინისტრის ბრძანებით შექმნილი ბინათმშენებლობის ე.წ. „ამხანაგობაში“ გასაწევრიანებლად ხელშეკრულებები ნოტარიულად უკვე გააფორმეს. ირაკლი ღარიბაშვილის ინიციატივის თანახმად, სამხედრო მოსამსახურეები საცხოვრებელი ფართის შეძენას შეღავათიანი პირობებით შეძლებენ.კერძოდ, თუ მათ უწევდათ ღირებულების 60 პროცენტის დაფარვა, ახალი პირობებით 50 პროცენტიანი თანამონაწილეობის პრინციპი იმოქმედებს.

    კერძო კომპანიის ნაცვლად, მშენებლობას თავდაცვის უწყების სამშენებლო კომპანია განახორციელებს, რაც თვითღირებულებას მნიშვნელოვნად შეამცირებს. სამხედროებს ექნებათ საშუალება უპროცენტო შიდა განვადებით ისარგებლონ. საცხოვრებელი ფართის კვადრატული მეტრის სავარაუდო ღირებულება სამხედროებისთვის, დაახლოებით, 100 დოლარი იქნება.

    ახალი ინიციატივის ფარგლებში, მახათას მთაზე სამხედრო ქალაქის მშენებლობა აპრილში დაიწყება. პროექტის პირველი ეტაპი 2021 წელს დასრულდება და ბინები 1000-ზე მეტ სამხედროს გადაეცემა.

    თავდაცვის სამინისტრომ ახალი საბინაო პოლიტიკის განხორციელება დაიწყო - რა  კეთდება

  • თავდაცვის ძალები ქართული წარმოების გაუყინავი ღორის ხორცით მომარაგდება

    საქართველოს თავდაცვის სამინისტრო თავდაცვის ძალების კვებითი პირობების გაუმჯობესებას აგრძელებს. 2020 წლის დასაწყისიდან სამხედრო მოსამსახურეები, გაუყინავი, უმაღლესი ხარისხის ქართული წარმოების საქონლის ხორცით იკვებებიან.

    ირაკლი ღარიბაშვილის გადაწყვეტილებით, სამხედრო მოსამსახურეებისათვის სამინისტრო, ასევე ადგილობრივი წარმოების, ღორის ხორცს (დარბილებული – ახალი, გაცივებული) შეისყიდის. თავდაცვის ძალები დღემდე ქართული გაუყინავი ღორის ხორცით არასოდეს მომარაგებულა. ეს არის პირველი შემთხვევა, როდესაც ჯარი სრულად ქართული წარმოების საქონლისა და ღორის ხორცით მომარაგდება.

    პროდუქციის მრავალფეროვნებასა და ხარისხთან ერთად მნიშვნელოვანი ყურადღება ექცევა სანიტარულ-ჰიგიენურ პირობებს. ასევე, მიმდინარეობს თავდაცვის ძალების ინფრასტრუქტურის სრული განახლება, მათ შორის, ყველა სასადილოსა და საკვები ობიექტის თანამედროვე სტანდარტებთან შესაბამისობაში მოყვანა.

    ჯამში, ახალი სტანდარტების დამკვიდრება უმაღლეს დონეზე აიყვანს სამხედროთა კვებითი მომსახურების პირობებს.

    თავდაცვის ძალები ქართული წარმოების გაუყინავი ღორის ხორცით მომარაგდება - რა  კეთდება

  • სამხედროები სრულიად გარემონტებულ ყაზარმებში იცხოვრებენ

    წვრთნებისა და სამხედრო განათლების მხარდამჭერ ცენტრ “კრწანისის” ტერიტორიაზე მიმდინარე ინფრასტრუქტურული სამუშაოები აქტიურ ფაზაშია.

    საერთო საჯარისო ცენტრის ტერიტორიაზე აშენდა და კაპიტალურად გარემონტდა შტაბის შენობა, სასწავლო კლასები, ლაზარეთი, ყაზარმები, სასტუმრო და რეკრეაციული ზონა. მიმდინარეობს ბეტონის შიდა გზების დაგება, სკვერების მოწყობა და ტერიტორიის გამწვანება. ამასთან, იგეგემება სპორტული ზონის მშენებლობა.

    ასევე, წვრთნებისა და სამხედრო განათლების მხარდამჭერ ცენტრ „კრწანისის“ ტერიტორიაზე შენდება თანამედროვე სტანდარტების ახალი სასადილო, რომელიც 1000 სამხედრო მოსამსახურეს მოემსახურება. უახლოეს პერიოდში დაგეგმილია სიმულაციური ცენტრის მშენებლობის დაწყება.

    თავდაცვის მინისტრის, ირაკლი ღარიბაშვილის გადაწყვეტილებით, მიმდინარე ინფრასტრუქტურული პროექტების ფარგლებში, წლის ბოლომდე სრული რეაბილიტაცია ჩაუტარდება 200 ყაზარმას. ჯამში სრულად გარემონტდება 250 ობიექტი და ყველა სამხედრო ბაზა ერთიანი, ნატოს სტანდარტით იქნება მოწყობილი.

    განახლებული სოციალური პოლიტიკის ფარგლებში, რომელიც სამხედრო მოსამსახურეებისთვის ღირსეული პირობების შექმნას ისახავს მიზნად, სამხედრო ბაზებზე ინფრასტრუქტურული სამუშაოები აქტიურად მიმდინარეობს.

    მიმდინარე წლიდან სამხედროები სრულიად გარემონტებულ ყაზარმებში იცხოვრებენ -  რა კეთდება
    მიმდინარე წლიდან სამხედროები სრულიად გარემონტებულ ყაზარმებში იცხოვრებენ -  რა კეთდება

  • ირაკლი ღარიბაშვილი ცენტრ „კრწანისის“ ტერიტორიაზე სამშენებლო სამუშაოებს გაეცნო

    საერთო საჯარისო ცენტრის ტერიტორიაზე აშენდა და კაპიტალურად გარემონტდა შტაბის შენობა, სასწავლო კლასები, ლაზარეთი, ყაზარმები, სასტუმრო და რეკრეაციული ზონა. მიმდინარეობს ბეტონის შიდა გზების დაგება, სკვერების მოწყობა და ტერიტორიის გამწვანება. ასევე, იგეგემება სპორტული ზონის მშენებლობა.

    წვრთნებისა და სამხედრო განათლების მხარდამჭერი ცენტრის „კრწანისის“ ტერიტორიაზე თანამედროვე სტანდარტების ახალი სასადილოც შენდება, რომელიც 1 000 სამხედრო მოსამსახურეს მოემსახურება. უახლოეს პერიოდში დაგეგმილია სიმულაციური ცენტრის მშენებლობის დაწყება.

    „მარტის ბოლომდე 60 ლოკაციაზე ვიქნებით შესული. ჯამში 250 ობიექტი იქნება სრულად გარემონტებული. ჩვენს სამხედროებს ღირსეული საცხოვრებელი პირობები ექნებათ და ყველა სამხედრო ბაზა ერთიანი, ნატო-ს სტანდარტით იქნება მოწყობილი“, – აღნიშნა თავდაცვის მინისტრმა ირაკლი ღარიბაშვილმა.

     

  • 2020 წლის ბოლოს ბინას 667 სამხედრო მოსამსახურე მიიღებს

    2020 წლის ბოლოს ვარკეთილის სამხედრო ქალაქში და გორში, ბინას 667 სამხედრო მოსამსახურე მიიღებს. გათვალისწინებულია კორპუსების დასრულებული ფასადით, მოპირკეთებული სადარბაზოთი, სარდაფით, ლიფტებით, შესასვლელი რკინის კარით, ელექტროენერგიის ცენტრალური ქსელითა და წყალმომარაგებით უზრუნველყოფა. ასევე, მოხდება საცხოვრებელი ბინების მიმდებარე ტერიტორიის მოასფალტება და შ.შ.მ. პირებისთვის ადაპტირებული პანდუსების მოწყობა.

    სამხედრო მოსამსახურეების სოციალური პირობების გაუმჯობესებისა და მათთვის სათანადო პირობების უზრუნველყოფის პროცესი „ქართული ოცნების“ ხელისუფლების დროს დაიწყო და დღემდე როგორც უწყების, ასევე მთავრობის ერთ-ერთ პრიორიტეტს წარმოადგენს. საქართველოს თავდაცვის სამინისტროში კონტრაქტის საფუძველზე სამხედრო მოსამსახურეებისთვის ბინების საკუთრებაში გადაცემა 2013 წლიდან მიმდინარეობს. დღემდე საქართველოს თავდაცვის სამინისტრომ საცხოვრებელი ფართით 1700-ზე მეტი ოჯახი უზრუნველყო.

  • ჯარისკაცების სადაზღვევო პირობები მნიშვნელოვნად გაუმჯობესდა

    ირაკლი ღარიბაშვილის გადაწყვეტილებით, სამხედრო მოსამსახურეები ჯანმრთელობის დაზღვევის მნიშვნელოვნად გაუმჯობესებული პაკეტით ისარგებლებენ. ახალი სადაზღვევო პაკეტით მნიშვნელოვნად გაუმჯობესდა სამედიცინო მომსახურების პირობები. სამხედრო მოსამსახურეებს შესაძლებლობა ექნებათ ანაზღაურების გაზრდილი ლიმიტითა და მრავალფეროვანი სერვისით ნებისმიერ პროვაიდერ კლინიკაში სამედიცინო მომსახურება მიიღონ.

    საქართველოს თავდაცვის სამინისტრომ, ჯარისკაცზე ორიენტირებული განახლებული სოციალური პოლიტიკის ფარგლებში, რომელიც სამხედროებსა და მათი ოჯახის წევრებზე ზრუნვას გულისხმობს, არსებითად გააუმჯობესა ჯანმრთელობის დაზღვევის პირობები.
    წინა სადაზღვევო პაკეტთან შედარებით არსებულ პაკეტს დაემატა სტომატოლოგიური, ონკოლოგიური და კარდიოქირურგიული მომსახურების ქველიმიტები, გაუმჯობესდა გამონაკლის შემთხვევებში არსებული სამედიცინო მომსახურების პირობები. განახლებული პაკეტის ფარგლებში გაიზარდა მომსახურე აფთიაქების, მედიკამენტების ლიმიტებისა და ასევე დაფინანსების ლიმიტების რაოდენობა, მათ შორის სამშობიარო, გეგმიურ-ამბულატორიულსა და გეგმიურ-სტაციონარულ მომსახურებაზე.

  • სურსათის ეროვნული სააგენტო ჯარის კვების კონტროლის განხორციელებაში აქტიურად ჩაერთო

    საქართველოს თავდაცვის სამინისტროსა და გარემოს დაცვისა და სოფლის მეურნეობის სამინისტროს სსიპ სურსათის ეროვნულ სააგენტოს შორის სურსათის უვნებლობის საკითხებთან დაკავშირებით ურთიერთთანამშრომლობის მემორანდუმი გაფორმდა.

    თავდაცვის სამინისტროს მოთხოვნის საფუძველზე, სააგენტო, სურსათის უვნებლობის საკითხებზე გასცემს რეკომენდაციებს და ჯარის კვების ობიექტებში კონტროლის განხორციელებაში აქტიურად ჩაერთვება.

    სამინისტროს მოთხოვნის საფუძველზე, სააგენტო უზრუნველყოფს სამინისტროს მიერ მომზადებულ სურსათის შესყიდვებთან დაკავშირებულ ტექნიკურ დავალებებზე შესაბამისი რეკომენდაციების გაცემას და იმ ბიზნესოპერატორების შემოწმებას, რომლებიც უზრუნველყოფენ ქართული ჯარის კვების ობიექტებისთვის სურსათის მიწოდებას.

    მემორანდუმის ფარგლებში სურსათის ეროვნული სააგენტო სურსათის ნიმუშების ამოღებასა და ლაბორატორიულ შემოწმებას უზრუნველყოფს. თავდაცვის სამინისტრო კი, ვალდებულებას იღებს უზრუნველყოს სააგენტოს მიერ გაცემული რეკომენდაციების შესრულება.

  • დაჭრილი სამხედროებისთვის წეროვანში სარეაბილიტაციო ცენტრი გაიხსნა

    წეროვანში, რეგიონში სრულიად უპრეცენდენტო მნიშვნელობის, საქართველოს ეროვნული გმირის, მარო მაყაშვილის სახელობის სამხედრო მოსამსახურეთა სარეაბილიტაციო ცენტრი გაიხსნა. ახალი ცენტრი აღჭურვილია ულტრათანამედროვე სარეაბილიტაციო და სამედიცინო ტექნიკით, რომელიც მნიშვნელოვნად გააუმჯობესებს დაჭრილი სამხედრო მოსამსახურეების ფიზიკურ და ფსიქოლოგიურ რეაბილიტაციას.

    ცენტრი სრულად პასუხობს დაჭრილი სამხედრო მოსამსახურეებისა და მათი ოჯახის წევრების მოთხოვნებს. შენობა აღჭურვილია სამკურნალო-სარეაბილიტაციო აუზითა და შესაბამისი ადაპტირებული სპორტული და სარეაბილიტაციო ინვენტარით, რომელიც დაჭრილ სამხედრო მოსამსახურეებს ეხმარება როგორც ფსიქოლოგიურ და ფიზიკურ რეაბილიტაციაში, ასევე სპორტულ შეჯიბრებებში მონაწილეობისთვის მომზადებაშიც. ცენტრში განთავსებულია მოედანი მჯდომარე ფრენბურთისა და კალათბურთისთვის, რომელიც დაჭრილ სამხედრო მოსამსახურეებს კიდევ უფრო შეუწყობს ხელს საქართველო საერთაშორისო სპორტულ შეჯიბრებებში ღირსეულად წარმოაჩინონ.

    ახალი სარეაბილიტაციო ცენტრი საქართველოს პრემიერ-მინისტრმა გიორგი გახარიამ, პარლამენტის თავმჯდომარემ არჩილ თალაკვაძემ, თავდაცვის მინისტრმა ირაკლი ღარიბაშვილმა, და აშშ-ის ელჩის მოვალეობის შემსრულებელმა ელიზაბეთ რუდმა გახსნეს.

    სარეაბილიტაციო ცენტრი აშენდა საქართველოს მთავარ სტრატეგიულ პარტნიორთან ამერიკის შეერთებულ შტატებთან თანამშრომლობით.




  • დაჭრილ-დაშავებულ სამხედროებს სახელფასო დანამატები დაუწესდათ

    თავდაცვის მინისტრის ირაკლი ღარიბაშვილის გადაწყვეტილებით, 2020 წლის იანვრიდან დაჭრილ და დაშავებულ სამხედრო მოსამსახურეებს, ტრავმების და ზოგადი ფიზიკური მდგომარეობის გათვალისწინებით ხელფასებზე 200-დან 800 ლარამდე დანამატები დაუწესდათ.

    დანამატები განისაზღვრა შემდეგი კრიტერიუმებით: საერთაშორისო მშვიდობისა და უსაფრთხოების შენარჩუნებისა და აღდგენის, ან სხვა სახის სამშვიდობო ოპერაციებში, საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედებებში მონაწილეობის შედეგად:

    1. მკვეთრად გამოხატული შეზღუდული შესაძლებლობის სტატუსის მქონე პირებს განესაზღვრათ დანამატი 800 ლარის ოდენობით;

    2. კიდურის ნებისმიერი დონის ამპუტაციის ან თვალის დაზიანების (ანოფთალმი/სიბრმავე) მქონე პირებს განესაზღვრათ დანამატი 600 ლარის ოდენობით;

    3. სასამართლო/სამედიცინო ექსპერტიზის მიერ სხეულის დაზიანების მძიმე ხარისხ მინიჭებულ პირებს განესაზღვრათ დანამატი 250 ლარის ოდენობით;

    4. სასამართლო/სამედიცინო ექსპერტიზის მიერ სხეულის დაზიანების ნაკლებად მძიმე ხარისხ მინიჭებულ პირებს განესაზღვრათ დანამატი 200 ლარის ოდენობით; ახალი, ჯარისკაცზე ორიენტირებული სოციალური პოლიტიკის ფარგლებში, თავდაცვის სამინისტრო კვლავ გააგრძელებს დაჭრილ და დაშავებულ სამხედრო მოსამსახურეებზე ზრუნვასა და მათ ფინანსურ მხარდაჭერას.

     

  • საქართველოს თავდაცვის ძალების ქართული გაუყინავი საქონლის ხორცით მომარაგება დაიწყო

    2020 წლის იანვრიდან თავდაცვის ძალები ქართული, ნედლი (გაუყინავი) ხორცით მარაგდება. თავდაცვის მინისტრის მიერ დაწყებული ახალი პოლიტიკის ფარგლებში, განსაკუთრებული ყურადღება სამხედროების კვებითი მომსახურების სტანდარტებზე გამახვილდა. ახალი სტანდარტებით, ქართული ჯარი უმაღლესი ხარისხის პროდუქციით, მათ შორის უმაღლესი ხარისხის გაუყინავი საქონლის ხორცით მარაგდება.

    კვებითი პირობების გაუმჯობესების კუთხით, ირაკლი ღარიბაშვილის გადაწყვეტილებით, თავდაცვის სამინისტროში მნიშვნელოვანი სიახლეები განხორციელდა. 2019 წლის 1 ნოემბრიდან კვებით რაციონში ხორცის ნორმა შეიცვალა. ასევე, მინისტრის დავალებით, შეიცვალა კვების რაციონი და მთელი პირადი შემადგენლობა სპეციალური ოპერაციების ძალებისათვის განსაზღვრულ კვებაზე გადავიდა, რაც კვების მოცულობის ზრდასა და მრავალფეროვნებას გულისხმობს. კვებითი მომსახურების სტანდარტების მნიშვნელოვნად გაუმჯობესებასთან ერთად, განსაკუთრებით გამკაცრდა ტენდერით გათვალისწინებული პირობების შესრულების კონტროლი. ახალი სოციალური პოლიტიკის ფარგლებში, მიმდინარეობს თავდაცვის ძალების ინფრასტრუქტურის განახლებაც, მათ შორის ყველა სასადილოსა და საკვები ობიექტის უმაღლეს სტანდარტებთან შესაბამისობაში მოყვანა.

  • თავდაცვის ძალების ქართული გაუყინავი საქონლის ხორცით მომარაგება დაიწყო

    2020 წლის იანვრიდან თავდაცვის ძალები ქართული, ნედლი (გაუყინავი) ხორცით მარაგდება.

    ახალი სტანდარტებით, ქართული ჯარი უმაღლესი ხარისხის პროდუქციით, მათ შორის უმაღლესი ხარისხის გაუყინავი საქონლის ხორცით მარაგდება.

    ახალი სოციალური პოლიტიკის ფარგლებში მიმდინარეობს თავდაცვის ძალების ინფრასტრუქტურის განახლებაც, მათ შორის ყველა სასადილოსა და საკვები ობიექტის უმაღლეს სტანდარტებთან შესაბამისობაში მოყვანა, რაც უმაღლეს დონეზე აიყვანს სამხედროთა კვებითი მომსახურების პირობებს.


  • თავდაცვის ძალებს 12 ახალი სატრანსპორტო საშუალება შეემატა

    ავტოტექნიკის გადაცემის ოფიციალურ ცერემონიალზე მოწვეულ სტუმრებს სიტყვით მიმართა საქართველოს თავდაცვის მინისტრმა ირაკლი ღარიბაშვილმა და გერმანულ მხარეს გაწეული დახმარებისთვის მადლობა გადაუხადა.

    გერმანიის ფედერაციული რესპუბლიკის ელჩმა საქართველოში ჰუბერტ კნირშმა კი, სიტყვით გამოსვლისას საქართველოსა და გერმანიას შორის თავდაცვის სფეროში ორმხრივი თანამშრომლობის მნიშვნელობას გაუსვა ხაზი.

    საქართველოს თავდაცვის ძალების სატვირთო ავტომობილების პარკის განახლების მიზნით, გერმანიის ფედერაციული რესპუბლიკის თავდაცვის სამინისტროს შუამდგომლობით, გერმანიის ფედერაციული რესპუბლიკის საგარეო საქმეთა სამინისტროს „შესაძლებლობების გაფართოებისა და გაძლიერების ინიციატივის“ ფარგლებში 1.5 მილიონი ევრო გამოიყო. გრანტის ფარგლებში 8 ერთეული წყალმზიდისა და 4 ერთეული კონტეინერმზიდის შესყიდვა განხორციელდა.

     



  • ჯარისკაცების ფეხსაცმლისა და უნიფორმის ხარისხი ნატოს წამყვანი ქვეყნების სტანდარტებს გაუთანაბრდება

    თავდაცვის მინისტრმა სახელმწიფო ცერემონიების სასახლეში, 100 დღიანი მუშაობის შეჯამებისას საზოგადოებას სამინისტროში დაგეგმილი სიახლეები გააცნო.

    ჯარისკაცების ფეხსაცმლისა და უნიფორმის ხარისხი ნატოს წამყვანი ქვეყნების სტანდარტებს გაუთანაბრდება.

    2020 წელს დაგეგმილია სამხედრო უნიფორმის რებრენდინგიც. თავდაცვის ძალების თითოეული წევრი უზრუნველყოფილი იქნება განახლებული სახისა და მაღალი ხარისხის თანამედროვე უნიფორმით.

  • თავდაცვის ძალების 250-მდე ობიექტს სრული რეაბილიტაცია ჩაუტარდება

    თავდაცვის მინისტრმა სახელმწიფო ცერემონიების სასახლეში, 100 დღიანი მუშაობის შეჯამებისას საზოგადოებას სამინისტროში დაგეგმილი სიახლეები გააცნო.

    2020 წელს 2019 წელთან შედარებით ინფრასტრუქტურულ პროექტებზე, თითქმის 4-ჯერ მეტი – 100 მილიონი ლარი დაიხარჯება, რაც ნატოს წამყვანი ქვეყნების სტანდარტს გაუთანაბრებს ინფრასტრუქტურას.

    მოხდება ყველა მოქმედი ყაზარმისა და სასადილოს, დაახლოებით, 250-მდე ობიექტის სრული რეაბილიტაცია და ახალი სპორტული ინფრასტრუქტურის მოწყობა.

  • დაჭრილ და დაშავებულ სამხედროებს 200-დან 800 ლარამდე დანამატები დაუწესდებათ

    თავდაცვის მინისტრმა სახელმწიფო ცერემონიების სასახლეში, 100 დღიანი მუშაობის შეჯამებისას საზოგადოებას სამინისტროში დაგეგმილი სიახლეები გააცნო.

    თავდაცვის სამინისტროს ახალი, ჯარისკაცზე ორიენტირებული სოციალური პოლიტიკის ფარგლებში, 2020 წლის იანვრიდან, საქართველოს თავდაცვის სამინისტროს დაჭრილ და დაშავებულ სამხედრო მოსამსახურეებს, ტრავმების და ზოგადი ფიზიკური მდგომარეობის გათვალისწინებით, ხელფასებზე 200-დან 800 ლარამდე დაუწესდებათ დანამატები.

  • 2020 წელს გაგრძელდება და გაუმჯობესდება ჯარისკაცების სახელფასო პირობები

    თავდაცვის მინისტრმა სახელმწიფო ცერემონიების სასახლეში, 100 დღიანი მუშაობის შეჯამებისას საზოგადოებას სამინისტროში დაგეგმილი სიახლეები გააცნო.

    თავდაცვის სამინისტროს პრიორიტეტია, რომ სამხედროების ანაზღაურება იყოს ღირსეული და თითოეულმა მათგანმა იგრძნოს სახელმწიფოს მხარდაჭერა და გვერდში დგომა.

    2020 წლის ბიუჯეტით სამინისტროს ძალისხმევა კვლავ გაგრძელდება და გაუმჯობესდება ჩვენი ჯარისკაცების სახელფასო პირობები.

  • ირაკლი ღარიბაშვილის გადაწყვეტილებით ჯარი უმაღლესი კატეგორიის ხორცით მომარაგდება

    „მოკლე პერიოდში სამხედროებზე ზრუნვის კუთხით ჩვენ საგრძნობლად გავაუმჯობესეთ კვების მიმართულება, პირველი ნოემბრიდან კვების ახალ სტანდარტზე გადავიყვანეთ მთელი ჯარი და ამჟამად მთელი ჯარი სპეციალური ოპერაციების ძალებისთვის განსაზღვრული რაციონით იკვებება, უფრო მარტივად რომ ვთქვათ, ეს ნიშნავს, თავდაცვის ძალებში საკვების რაოდენობისა და ხარისხის მნიშვნელოვან გაუმჯობესებას. ასევე 2020 წლიდან ვგეგმავთ პირველი კატეგორიის ხორცის ნაცვლად უმაღლესი კატეგორიის ხორცით მომარაგებას ჩვენი ჯარის და ზოგადად გეტყვით, რომ განსაკუთრებით გამკაცრდება შემოტანილი პროდუქტის ხარსხი, ამას პირადად ძალიან დიდ ყურადღებას მივაქცევ მე. ქართული ჯარი საუკეთესო პროდუქტით უნდა იკვებებოდეს და ეს იქნება ჩემი მინისტრობის ერთ-ერთი პრიორიტეტი“, – ირაკლი ღარიბაშვილი.

  • დასავლეთ სარდლობის სამხედრო ბაზებზე ინფრასტრუქტურული სამუშაოები დაიწყო

    სასადილოების, სასაწყობე და დამხმარე ნაგებობების კაპიტალური რეაბილიტაცია – მშენებლობა, ღია და დახურულ სივრცეში მულტიფუნქციური სტადიონებისა და სპორტდარბაზების მოწყობა 2020 წლის ბოლომდე დასრულდება. შენობების რეაბილიტაციის გარდა, მიმდინარეობს სველი წერტილების რემონტი, შემოღობვისა და გარე განათების აღდგენა, საინჟინრო კომუნიკაციებისა და შიდა გზების მოწესრიგება.

    ინფრასტრუქტურული პროექტებისთვის 2019 წელთან შედარებით 4-ჯერ მეტი, 100 მლნ ლარი დაიხარჯება, რაც თვისობრივად გააუმჯობესებს და ნატოს წამყვანი ქვეყნების სტანდარტს გაუთანაბრებს ქართული ჯარის ინფრასტრუქტურას, ყველა ყაზარმისა და სასადილოს სრული რეაბილიტაცია კი, თვისობრივად გააუმჯობესებს სამხედროების საცხოვრებელ პირობებს.

  • სამხედრო ბაზებზე ინფრასტრუქტურული სამუშაოები აქტიურად მიმდინარეობს

    თავდაცვის ძალების დასავლეთ სარდლობის სამხედრო ბაზებზე კაპიტალური რემონტი უტარდება ყაზარმებს, საცხოვრებელ კოტეჯებსა და სასადილოებს. მიმდინარეობს ბაზაზე არსებული შენობების, სასაწყობე და დამხმარე ნაგებობების სრული რეაბილიტაცია, სველი წერტილების რემონტი, შემოღობვისა და გარე განათების აღდგენა, საინჟინრო კომუნიკაციების რეაბილიტაცია, შიდა გზების მოწესრიგება, ასევე, ღია და დახურულ სივრცეში მულტიფუნქციური სტადიონების და ტრენაჟორების მოწყობა.

  • აშშ-საქართველოს შორის უსაფრთხოების სფეროში თანამშრომლობის ჩარჩო – ხელშეკრულება გაფორმდა

    საქართველოს თავდაცვის მინისტრის ირაკლი ღარიბაშვილის აშშ – ში ვიზიტის შემდეგ საქართველოსა და აშშ-ს შორის უსაფრთხოებისა და თავდაცვის სფეროში თანამშრომლობა თვისობრივად ახალ ეტაპზე გადავიდა.

    პენტაგონში აშშ – საქართველოს შორის უსაფრთხოების სფეროში თანამშრომლობის ჩარჩო – ხელშეკრულება გაფორმდა.

    ჩარჩო – ხელშეკრულება სრულ შესაბამისობაშია თავდაცვის ძალებში მიმდინარე რეფორმებთან, რომელიც მიზნად ისახავს მზადყოფნისა და მდგრადი შესაძლებლობების განვითარებასა და თავდაცვის ძალების მოდერნიზაციას.

  • ირაკლი ღარიბაშვილი: ჯარისკაცებს ხელფასები 2019 წლის 1 ნოემბრიდან გაეზრდებათ

    თავდაცვის მინისტრის განცხადებით, ჯარისკაცებს ხელფასები 2019 წლის 1 ნოემბრიდან გაეზრდებათ.

    მინისტრმა აღნიშნა, რომ ხელფასები სამხედრო წოდების მიხედვით გაიზრდება და ის 100-დან 500 ლარამდე მერყეობს.

    მისი განცხადებით, ხელფასების მატება 2020 წლის პირველი იანვრიდან იყო დაგეგმილი, თუმცა ჯარისკაცებს ხელფასები 2019 წლის 1 ნოემბრიდან გაეზრდებათ.

    ირაკლი ღარიბაშვილის განმარტებით, ბიუჯეტის გადაგეგმარება აუთვისებელი თანხების ხარჯზე მოხდა.

  • ღარიბაშვილი: 2020 წლის ბოლომდე ყველა ყაზარმას ნატოს სტანდარტების შესაბამისად გავარემონტებთ

    „2020 წლის ბოლომდე ჩემი დავალება არის, რომ ყველა ბაზაზე არსებული ყაზარმა იყოს გარემონტებული ისე, როგორც შეესაბამება ნატოს წევრ ქვეყნებს, დაახლოებით 500 მილიონი ლარი გვესაჭიროება იმისთვის, რომ თავდაცვის სამინისტროს შემადგენლობაში შემავალი ყველა ბაზა მოწესრიგდეს ისე, როგორც ევროპულ ქვეყნებს შეეფერება. ეს არის ამბიციური გეგმა, მაგრამ თუ გადავხედავთ ჩვენ მიერ გადადგმულ ნაბიჯებს, გაისად უკვე 100 მილიონის ათვისება შეგვიძლია; მთელი ამ ინფრასტრუქტურული გეგმის 25%, დაახლოებით, იქნება შესრულებული. მომდევნო 3-5 წელიწადში, იმის მიხედვით თუ რა თანხის აკუმულირებას შევძლებთ ბიუჯეტში ინფრასტრუქტურული პროექტებისთვის, დაახლოებით 500 მილიონ ლარს დავხარჯავთ და ამით ყველა პრობლემა იქნება მოწესრიგებული“, – განაცხადა ირაკლი ღარიბაშვილმა.